Eńseli eldiń ulanymyn

Men Astanadan alysta jat­qan aýyl mektebiniń 8-shi synyp oqýshysymyn. Táýelsizdikten ke­ıin ómirge keldim. Áıtse de meniń keleshegime úlken jol ashqan táýelsizdiktiń jóni bólek. Bizdiń ata-babalarymyz «Egemen bolmaı el bolmas, etekten kesip jeń bolmas» degen eken. Osy táýel­sizdikke deıin qazaq jerinde erkindikti ańsaǵan 300-ge taıaý ult-azattyq kóteri­listeri bolypty. Men tarıhı kitaptardy kóp oqımyn. Sol kezde baıqaǵanym, táýelsizdikke jetý ońaı bolma­ǵan eken. Júzdegen Alash ul­dary bastaryn báıgege tigipti. Ondaǵy maqsaty, qazaq halqy­nyń qolyn táýelsizdikke jetkizip, urpaǵyn bodandyqtan qut­qarý bolypty. Biz jaqynda Otanymyzdyń barlyq óńirinen 150-den astam oqý­shy Astanada basqosyp, Táýel­sizdigimizdiń 20 jyldyǵyna arnal­ǵan «Qazaqstannyń jarqyn bola­shaǵy – jastardyń kózimen» degen taqyrypta shyǵarma jaz­dyq. Sonda táýelsizdik týraly óz oılary­myz­dy aıttyq. Osy shara­ǵa uıyt­qy bolǵan «Daryn» res­pýblıkalyq ǵylymı-praktıkalyq ortalyǵy edi. Arman qýyp, eldiń erteńimiz dep júrgen zamandastarym jazǵan shyǵarmalarmen tanysyp, oı-pikirlerin tyńdaǵanda Otanǵa degen patrıottyqty aıqyn sezindim. Táýelsizdiktiń aldyndaǵy tynys-tirshiligimizdi, odan keıingi 20 jyl ishindegi órkendeýimizdi ortaǵa sal­dyq. Buryn bizdiń aldymyzdaǵy urpaq ári ketse Máskeý qalasyna barǵan eken. Al qazir bilimdi jastar tórtkúl dúnıeni sharlap júr. Bizben kezdesý kezinde «Bolashaq» baǵdarlamasynyń túlekteri el qamqorlyǵynyń arqasynda álem­niń ataqty bilim orda­larynda oqy­ǵanyn aıtty. Bilimdi jasqa qashanda jol ashyq ekenin jetkizdi. Biz bilim saıysynda Astanany da aralap kórdik. Arqadan kerbez Almatyǵa, Altaıdan Kaspııge deıingi aralyqta ómir súrip jatqan Qazaq eliniń ul-qyzdary elordanyń ǵajaıyptarymen tanysyp, «Báıterektiń» basyna kóterilip, ásem qalaǵa qyzyǵa qaradyq. Mektep bitirgennen keıin osy qalada oqysaq degen arman ár oqýshynyń kókeıinde saırap turdy. Munyń bárin biz táýelsizdiktiń arqasy dep bilemiz. Bıbigúl ÁLJEKESOVA, H.Naýbetov atyndaǵy orta mekteptiń 8 synyp oqýshysy. Atyraý oblysy, Isataı aýdany.