«Aqjelkende» kóńildi

Balalardyń jazǵy dema­ly­synyń durys uıymdas­tyrylýy, olardyń bilimge degen yntasyn arttyratyny anyq. Jarma aý­dany, Jalǵyztóbe kentindegi orta mektep basshylary osyny aldyn- ala oılastyrǵan edi. Sóıtip, birinshi aýysymda 135 balanyń dema­lysyn qolǵa alǵan bolatyn. Mun­daı úrdis jaz boıy jalǵasyn taýyp keledi. Lagerdiń jaqsy jumys isteýine kent ákimi E.Zakımov te óz úlesin qosty. Al ata-ana­lar­dyń arasynan balalar dema­ly­syn du­­rys uıymdastyrýǵa uıyt­qy bol­ǵan N.Malǵajdarova ekenin aıta ketsek deımin. Sol sekildi aýy­ly­myzdyń jeke kásip­keri Á.Oryn­basarova da óz úlesin qosty. Qazir lagerde júrgen balalar demalys kezinde alýan túrli sharalardyń kýási bolyp júr. Mysaly, «Tapqyr dostar», «Kó­ńil­di estafeta», «Men nashaqor­lyqqa qarsymyn», «Meni qorsha­ǵan orta», «Astana – arman qala», taǵy basqa da taqyryptar bo­ıynsha pikir alysýlar uıymdas­ty­rylyp, qabyrǵa gazetteri shy­ǵa­rylyp, sýret salýdan, sporttyq oıyn­dardan saıystar ótkizilýde. Adamzattyń alyby aqyn Abaı­dyń týǵan jerine saıahat jasaý, onyń shyǵarmalary boıynsha konkýrstar ótkizý jumysy da oń sheshimin taýyp jatyr. Jalǵyztóbe okrýgi «Jas Otan» jastar qanatynyń jetekshisi Anar Tyshqanbaeva oqý­shylar­men júzdesip, Elbasy Nursul­tan Nazarbaevtyń tár­bıeli de tálimdi, saýatty da sa­lamatty urpaq ósirý jónindegi sózderi boıynsha oı-órbitip, myna lager sonyń nátıjesi degen oı-baılamyn alǵa tartty. Bizdiń Jalǵyztóbe orta mek­tebiniń «Aqjelken» dema­lys lageri jyl saıyn osylaı jaqsy isterge uıytqy bolyp, oqýshy­lardyń jazǵy demalysyn uıym­dastyryp keledi. Bul oqýshylar­dyń bos ýaqytyn tıimdi paıda­lanýyna, teris jolǵa túspeýine áser etýde, deıdi lager bas­shysy B.Rahmatýllına. Ermek MNAFIIаNOV. Shyǵys Qazaqstan oblysy, Jarma aýdany.