Sapar qorytyndysy baıandaldy

Keshe Syrtqy ister mınıstrliginde atalǵan vedomstvonyń bas­pasóz hatshysy Ilııas Omarov jýrnalıster úshin brıfıng ótkizdi. Onda ol Syrtqy ister mı­nıs­­trliginiń jaýapty hatshy­sy R.Jo­shybaev bastaǵan qazaq­stan­dyq delegasııa ókilderiniń La­tyn Amerı­kasynyń birqatar eli­ne jasaǵan saparynyń qory­tyn­­dysy jóninde baıandap berdi. «Bıylǵy jylǵy shilde aıy­nyń ekinshi jartysynda qazaq­standyq delegasııa Syrt­qy ister mınıstrliginiń ja­ýapty hatshysy Rápil Joshy­baevtyń jetekshiligimen Latyn Amerıkasy­nyń bir­qatar elinde boldy. Sapar bary­synda Brazılııa, Meksıka, Vene­sýela jáne Gaıana elderiniń syrt­qy saıasat vedomstvo­lary bas­shy­la­rymen óz­ara kelis­sózder júr­gizdi. Eki­jaq­ty kelis­sózder kezinde túrli saladaǵy, onyń ishinde saıası jáne ekono­mıkalyq ynty­maqtas­tyqtyń bola­shaǵy ǵana talqy­lanyp qoıǵan joq, otandyq dıplomattar Memleket basshysy­nyń tapsyrmasyna oraı, sheteldik áriptesteriniń naza­ryna Astanada «EKSPO-2017» dúnıe­júzi­lik kór­mesin ótkizý jó­nindegi óz tapsy­rys­­taryn usyn­dy», dedi I. Omarov. О́ziniń sózinde I.Omarov otan­dyq dıplomatııa ókilderiniń sheteldik áriptesterimen bolǵan kezdesýleri kezinde qol jetkizgen ýaǵ­dalas­tyqtary jaıynda baıandap berdi. Onyń aıtýynsha, sheteldik dıplomattar «EKSPO-2017» aıa­synda ótkizý jos­parlanyp otyr­ǵan «Bola­shaqtyń qýaty» taqy­ryp­tyq kórme­sin aıryqsha qýattaǵan. Bul kúngi brıfıng aıasynda bas­pasóz hatshysy sonymen qatar, eli­mizdiń Syrtqy ister mınıstri Erjan Qazyhanovtyń Norvegııada oryn alǵan qaıǵyly jaǵdaıǵa baı­lanysty osy el Koroldiginiń syrt­­qy ister mınıstri Ionas Gar Sterege kóńil aıtý jedelhatyn jol­daǵanyn aıtty. Kezdesý barysynda I. Omarov jýrnalısterdi qyzyqtyrǵan ózge de saýaldarǵa jaýap berdi. Láıla EDILQYZY.