Baǵdarlama jóninen habardar etti

Keshe Memleket basshysy Nursultan Nazarbaev Bilim jáne ǵylym mınıstri Baqytjan Ju­­maǵulovty qabyldady, dep ha­bar­lady Qazaqstan Respýblıkasy Prezıdentiniń baspasóz qyzmeti. Mınıstr Prezıdentti Bilim be­rýdi damytýdyń 2011-2020 jyl­darǵa arnalǵan memlekettik baǵ­darlamasyn iste asyrý barysy týraly habardar etti. «Bilim berýdi damytýdyń 2011-2020 jyl­­darǵa arnalǵan memlekettik baǵ­darlamasyn talqylaý ba­rysynda Memleket basshysy «Balapan» baǵdar­la­masymen jumysty kú­sheıtý jóninde, barlyq deń­geı­degi bilim sapasyn, sonyń ishinde orta, kásiptik-tehnıkalyq jáne joǵary bilim sapasyn jaqsartý jóninde naqty mindetter qoıdy. Orta bilim sa­lasynda, eń al­dy­men, pe­da­gogıkalyq kadrlardy daıar­laý deń­geıin kóterý qajet. Joǵary oqý oryn­darynda biz jańa forma­sııa­daǵy pedagogterdi daı­y­n­daýymyz kerek. Men Memleket basshysyna 1 shil­deden bastap eńbekaqyny art­tyrǵany úsh­in Qa­zaqstan mu­ǵalim­deriniń rı­za­shylyq sezimderin jetkizdim. 1 qyrkúıekten bastap joǵary sanat úshin qosymsha tólem 100 paıyzǵa arttyrylatyn bolady. Osynyń bári búginde barlyq deń­geıdegi bilim sapasyna kózq­a­rasty qaıta qaraýǵa múm­kindik beredi. Joǵary bilimge qa­tysty aıtsaq, árıne, oǵan Nazarbaev Ýnıversıteti úlgi bola ala­dy» – dedi jýrnalısterge arnal­ǵan brı­fıngte B. Jumaǵulov.