Sharanyń resmı bóliminen keıin ortalyq tárbıelenýshileri úshin Esil ózenimen teplohodpen serýen uıymdastyryldy.
«Esil-Astana» kásiporny mamandarynyń aıtýynsha, bıyl elordada toǵyzynshy navıgasııalyq maýsym ashylyp otyr. О́z qyzmetiniń barysynda serýen-ekskýrsııalyq qyzmetter jalpy syıymdylyǵy 125 adam bolatyn úsh jolaýshy kemesimen iske asyrylatyn, sondaı-aq, 250 at kúshine teń býksır kater jáne bir qutqarýshy kater bolǵan. Flot quramynda barlyǵy bes dana tehnıka bar edi.
Qazirgi ýaqytta Astana qalasynyń ózen flotyne 14 keme kiredi, sonyń altaýy jalpy syıymdylyǵy 265 adam bolatyn 6 jolaýshylar kemesi jáne 9 tehnıkalyq keme, sonyń bireýi ózendi patrýldeýge arnalǵan motor qaıyq. Sý joldaryn júzý quraldarynyń qaýipsiz ótýin qamtamasyz etetin jaǵdaıda ustaý maqsatynda jyl saıyn kásiporyn navıgasııalyq belgiler ornatyp, sý túbin zertteý jumystaryn júrgizedi.
Esil ózenimen keme qatynasy Memleket basshysy usynǵan bastamanyń arqasynda múmkin boldy. Ol elordany damytýdyń bas josparyn túzetý barysynda Esil ózenin kóliktik maqsattarda paıdalaný múmkindikterin qarastyrýdy usynǵan bolatyn, deıdi sharanyń uıymdastyrýshylary. Osy oraıda 2008 jyly «Esil-Astana» memlekettik kommýnaldyq qazynashylyq kásiporny qurylyp, qajet shtaty, qyzmeti jáne qyzmet kórsetýshi qyzmetkerleri jasaqtaldy. Kásiporyn qyzmeti halyqqa servıstik-mádenı qyzmetter kórsetýge jáne Esil ózeninde jol salý jumystaryn júrgizýge baǵyttalǵan.
2015 jyldyń maýsym aıynan bastap Esil ózeniniń Astana qalasynyń ákimshilik-aýmaqtyq shekarasy sheginde Qazaqstan Respýblıkasynyń keme qatynasy joldarynyń kategorııasyna resmı túrde engizildi. Esil ózenindegi keme qatynasy elorda úshin de, jalpy elimiz úshin ımıdjdik joba sanalady. Esil ózeniniń akvatorııasymen teplohodpen jolaýshy tasymaldaý mádenıet pen demalys múmkindikteri turǵysynan elordanyń tartymdylyǵyn arttyra túsedi.
Atap óterligi, ekskýrsııalyq-serýen qyzmetterine tarıfter sońǵy birneshe jyl boıy ózgermeı keledi jáne eresek jolaýshylarǵa 1000 tenge, 7-16 jas aralyǵyndaǵy balalarǵa 500 teńgeni quraıdy.
