Ońtústik Qazaqstan oblysynyń ákimdigi jáne Halyqaralyq Túrki akademııasy uıymdastyryp otyrǵan bul forým «Túrki álemi jáne aqparattyq keńistik» taqyrybynda ótýde. Oǵan Qazaqstan, Túrkııa, Ázerbaıjan, Qyrǵyzstan, О́zbekstan jáne basqa da túrki halyqtary turatyn memleketterdiń jetekshi BAQ basshylary, jýrnalısteri qatysýda.
Jýyrda Qazaqstan Prezıdenti Nursultan Nazarbaev «Bolashaqqa baǵdar: rýhanı jańǵyrý» maqalasynda «Qazaqstannyń qasıetti rýhanı qundylyqtary» nemese «Qazaqstannyń kıeli jerleriniń geografııasy» jobasy kerektigin jazǵan bolatyn. Uıymdastarýshylar forýmdy Elbasynyń maqalasyndaǵy osy máselemen de ushtastyryp, baýyrlas elderden kelgen azamattardy Ońtústiktiń kıeli, tarıhı jerlerimen tanystyrýdy nıet etipti. Forýmǵa qatysýshylar aldymen Shymkent qalasynyń kórikti jerlerin aralap, odan keıin Saıramdaǵy Qarasha ana, Ibrahım ata kesenelerinde, Otyrar aýdanyndaǵy Arystan bab kesenesinde, «Otyrar» qalashyǵynda boldy. Olar odan ári Túrkistanǵa at basyn tireıdi. Forým erteń Q.A.Iаsaýı atyndaǵy Halyqaralyq qazaq-túrik ýnıversıtetiniń Mádenıet saraıynda ótedi.
Ǵalymjan ELShIBAI,
«Egemen Qazaqstan».
