Qyzmetkerler qyzmet atqarý tásilderi, tekserýler júrgizý, sondaı-aq shet tilderin oqý kýrstary boıynsha tıisti daıyndyqtan ótken, olar Astana qalalyq IID-niń qyzmetkerlerine elorda aýmaǵynda quqyqtyq tártipti saqtaý jáne jol qaýipsizdigin qamtamasyz etýge kómektesetin bolady.
Aǵymdaǵy jylǵy 11 mamyrda Ishki ister mınıstriniń orynbasary, polısııa general-maıory E.Turǵymbaevtyń qatysýymen jeke quramnyń saptyq baıqaýy ótti. Baıqaýda tehnıkalar, ishki ister organdary qyzmetkerleriniń syrtqy kelbeti, ekıpırovkalary da tekserildi.
О́ńirden kelgen qosymsha kúshter jańa kıimmen, beıne-jetondarmen, keýde belgilerimen, aǵylshyn jáne basqa da tilderdegi sózdiktermen qamtamasyz etildi.
Astanannyń aýmaǵyna patrýldeý júrgizý úshin qosymsha patrýldik avtokólikter, qajetti tehnıkalyq quraldar jetkizildi.
Jeke quramǵa qyzmettik etıkany buljytpaı oryndaý jáne Astananyń turǵyndary men qonaqtaryna sypaıylyq tanytý, muqııat qarym-qatynasta bolý, zańdylyq pen tártipti buzý faktilerine jol bermeý máseleleri basa aıtyldy.
IIM ortalyq apparaty qyzmetkerleriniń tarapynan jeke quramnyń qyzmetin kúndelikti tekserý úshin komendattyq patrýlder quryldy.
