Áýelgisi − «Belgisiz soldat» eskertkishi. Bul tas músinniń qaıtadan jańartylyp, jańǵyrýyna «Týǵan jerge taǵzym» aksııasy aıasynda jeke kásipker Qabylan Ýataev óz úlesin qosqan kórinedi. Ekinshi eskertkish aýyldaǵy mekteptiń aldyna ornatyldy. Bul eńseli eskertkish jońǵar shapqynshylyǵy kezinde erligimen kózge túsken Shyńqoja batyr Bazarqululynyń qurmetine ashyldy. Sonymen qatar, bul kúni Uly Otan soǵysynyń ardagerleri men Aýǵan soǵysynyń qaharmany, Qyzyl Juldyz ordeniniń ıegeri A.Qalıasqarovtyń eskertkishterine mektep oqýshylary gúl shoqtaryn qoıyp, birqatar tyl ardagerlerine syı-sııapat jasalyp, qurmet kórsetildi. Is-shara sońynda bozdaqtarǵa arnalyp quran qatym túsirildi.
Reti kelgende aıta keteıik, Uly Otan soǵysyna Aıagóz aýdanynan 4811 azamat attanyp, sonyń 2337-si ǵana aman-esen elge oralǵan.
Al Shyńǵoja aýylynan maıdan dalasyna 200-den astam jaýynger jol tartyp, jartysyna jýyǵyna týǵan jer topyraǵyn qaıta basý baqyty buıyrmaǵan eken.
Azamat QASYM,
«Egemen Qazaqstan»
Shyǵys Qazaqstan oblysy,
Aıagóz aýdany
