Aksııa 13 mamyrda 10:00-den 14:00-ge deıin Mega Silk Way Astana saýda-oıyn-saýyq ortalyǵynda 1 qabatta «Densaýlyq qalashyǵy» aımaǵynda ótedi. Sharanyń maqsaty – joǵary qan qysymynyń belgilerin der kezinde jáne durys anyqtaýdyń mańyzdylyǵy jáne onymen baılanysty ınsýlt jáne ınfarkt qaýipteri týraly halyqty aqparattandyrý. Mamandar birinshi medısınalyq kómek kórsetý joldary, arterıaldy gıpertonııanyń aldyn alý men erte anyqtaý týraly bilimdi arttyrý týraly aıtyp beredi.
Aksııa sheńberinde ár azamat «Densaýlyq qalashyǵynyń» tirkeý ústeline kelip, tirkeý nomerin alyp, tegin tekserýden óte alady. Tegin tekserýge arterıaldy qan qysymyn ólsheý, bulshyq ettiń maı tinderine qatysty dene salmaǵynyń ındeksin esepteý kiredi. Sondaı-aq, qandaǵy glıýkoza men holesterın mólsherin anyqtaý, kardıolog, nevropatolog, endokrınolog jáne dıetolog dárigerlerden keńes alý múmkindigi beriledi, sondaı-aq, qundy syılyqtardyń utysyna qatysýǵa bolady.
