«Sakraldy Qazaqstan» ǵylymı-zertteý ortalyǵy qyzmetiniń negizgi maqsaty ólketaný boıynsha ǵylymı-zertteý jumysy, ólketaný salasyndaǵy aǵartýshylyq jumys, respýblıkadaǵy ólketaný jumystaryn ádistemelik qamtamasyz etý, memlekettik jáne qoǵamdyq ólketaný uıymdarymen, jergilikti memlekettik organdar, bilim berý mekemeleri, Qazaqstannyń arhıvterimen, mýzeılerimen birge yntymaqtastyqta ólketaný taqyrybyndaǵy ǵylymı-zertteý is-sharalaryn uıymdastyrý bolyp esepteledi.
Qazirgi tańda Qazaqstanda QR Tuńǵysh Prezıdenti - Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty maqalasynda usynǵan «Qazaqstanyń qasıetti rýhanı qundylyqtary» («Qazaqstannyń kıeli jerleriniń geografııasy»), «Týǵan jer» jobalaryn qurý máseleleri talqylaný ústinde. Baǵdarlama aıasynda aýqymdy ólketaný jumystaryn júrgizýdi, ekologııany jaqsartýǵa jáne eldi mekenderdi abattandyrýǵa basa mán berýdi, jergilikti deńgeıdegi tarıhı eskertkishter men mádenı nysandardy qalpyna keltirýdi qolǵa alý kózdelgen. Sondaı-aq, Elbasy «Týǵan jer» jobasymen birge jalpyulttyq qasıetti oryndar uǵymyn sińirý qajettiligin atap óttti. Osylaısha, Prezıdent «Qazaqstanyń qasıetti rýhanı qundylyqtary» nemese «Qazaqstannyń kıeli jerleriniń geografııasy» jobasyn usyndy. «Patrıotızm kindik qanyń tamǵan jerińe, ósken aýylyńa, qalań men óńirińe, ıaǵnı týǵan jerińe degen súıispenshilikten bastalady. Sol sebepti, men «Týǵan jer» baǵdarlamasyn qolǵa alýdy usynamyn», dep atap ótken bolatyn Elbasy Nursultan Nazarbaev.
«Sakraldy Qazaqstan» ǵylymı-zertteý ortalyǵynyń basshysy bolyp Berik Baqytuly Ábdiǵalıev taǵaıyndaldy.
Berik Baqytuly Ábdiǵalıev Ál-Farabı atyndaǵy Qazaq ulttyq ýnıversıtetin támamdaǵan. Qazaqstan strategııalyq zertteýler ınstıtýtynda ǵylymı qyzmetker, Ishki saıasat bóliminiń meńgerýshisi, dırektordyń orynbasary bolyp qyzmet atqarǵan. Temirtaý qalasy ákiminiń orynbasary, Jezqazǵan qalasynyń ákimi, 2012-2013 jyldary Qostanaı oblysy Arqalyq qalasynyń ákimi qyzmetterin atqardy.
