Aýqymdy ekologııalyq senbilikke Astana qalasy ákiminiń orynbasary Ermek Amanshaev pen qalanyń dinı birlestikteriniń ókilderi qatysty. Astana qalasynyń shirkeýleriniń basshysy Astanalyq shirkeý okrýgynyń dinı qyzmetshisi arhımandrıt Sergıı mundaı sharalardyń elorda turǵyndary men qonaqtaryna úlgi bolatynyn atap ótti. Bul túrli ulttar arasyndaǵy beıbitshilik pen kelisimdi nyǵaıtady.
«Dostyq birlik jáne kelisim túsinikteri Qazaqstandy erekshe elge aınaldyrady. Búgingi shara dinı konfessııalar arasyndaǵy ózara qarym-qatynastyń qandaı ekendigin kórsetti, bul búkil halyqqa da qatysty. Biz bir-birimizdi dinı, ulttyq merekelermen quttyqtaımyz. Qıyn kezde janymyzdan tabylyp. Qazaqstandy birge quramyz. Naq osyndaı jyly, shynaıy qarym-qatynas Qazaqstannyń qarqyndy damýyna jaǵdaı jasaıdy jáne ony basqa elder úshin úlgi qylady», - dedi dinı konfessııanyń basshysy.
Sonymen qatar, senbilikke qatysýshylar Qoshqarbaev dańǵylynyń boıyna 400-den asa jas kóshet otyrǵyzdy, onyń ishinde terek, tatar úıeńkisi, sondaı-aq, qaraǵaı túrleri bar. Budan basqa, Saraıshyq shaǵynaýdany aýmaǵynda 100 jas kóshet egildi, dep habarlaıdy «Almaty» aýdany ákimi apparatynyń óndiristik-tehnıkalyq bóliminiń mamandary.
Qala bıligi kógaldandyrýdy damytýǵa yqpal etetin osyndaı ekologııalyq sharalardyń mańyzdy ekendigin atap ótti. Aıta keteıik, búgin senbilik qalanyń úsh aýdanynda uıymdastyryldy.
