Forýmnyń ekinshi kúni «Mádenı kommýnıkasııalar: bıznestiń mádenıeti qoǵam ahýalyna áser ete me? Mádenıet arqyly bedel men brendti kóterý» atty plenarlyq májilisten bastaý aldy. Kóterilgen taqyrypqa ARTıShOK teatry usynǵan art-perfomanstar qyzyqty serpin berdi.
Búgin álemdik tájirıbege súıene otyryp, ishki korporatıvtik qatynastar men kompanııaǵa degen nıeti jaqsy aýdıtorııany mádenı jáne shyǵarmalyq jobalardy qoldaý arqyly tapqan qazaqstandyq keıster usynyldy. Sol sııaqty «Kompanııalar nege mádenı jobalarǵa qoldaý kórsetý kerek?», «Munyń kompanııalardyń bedelin kóterýge tıgizetin paıdasy qandaı?» degen saýaldar qoıylyp, joly bolǵan tosyn bastamalar forýmǵa qatysýshylardyń nazaryna usynyldy.
Qoǵamnyń ómiri men sanasy mádenıet salasynyń tamyrlarynda búlkildep jatatyny belgili. Sondyqtan mádenı saıasatty sanaly túrde júrgizý kez kelgen memleket úshin asa mańyzdy.
Máselen, Eýropada mádenıet álmısaqtan úlken ındýstrııa sanatynda. Eýroodaqtyń 8,3 mıllıon azamaty osy saladan nanyn taýyp jep otyr.
British Council mádenı jáne óner jobalarynyń jetekshisi Galına Koreskaıa bizde mádenıet pen aqsha tabý degen túsinik qabyspaıdy dep esepteıdi. Kóbinese mádenıet rýhanı qundylyqtar turǵysynan ǵana qarastyrylady.
Osyǵan qaramastan mádenıet – adamǵa salynatyn kapıtal ekeni sóz boldy. Spıkerdiń oıynsha bizge ózimizdiń, ıaǵnı Qazaqstannyń mádenı ekonomıkasynyń modelin damytýdyń kezi jetti.
Spıkerlerdiń biri – «Sberbanktiń» marketıng pen kommýnıkasııalardy basqarý jónindegi dırektory Olegjan Beketaevtyń da mysaldary qyzyqty boldy. Banktiń mádenıetti qoldaýdyń batystyq úlgilerin kóshirmeı-aq, ony osy ortaǵa beıimdelý arqyly júrgizgen jumystary jergilikti klıentterdiń senimine ıe bolýǵa septesken. Olegjannyń oıynsha, mádenı jobalardyń bári birdeı kóp qarajatty kerek etpeıdi. Keıde durys baǵyttalǵan azdaǵan ınvestısııanyń ózi úlken tabys ákelip, jurttyń nazaryn aýdara alady.
Al Tengri FM radıosynyń dırektory jáne The Spirit of Tengri festıvaliniń uıymdastyrýshysy Madına Ýmorbekova shyǵarmashylyq adamdary bir mezette ári bıznesmen ári ónerpaz bola almaıtyndyǵyn, sondyqtan mádenıet salasy isker orta men memleket qoldaýynsyz jeke-dara damı almaıtyndyǵyn aıtady.
Sonymen Qazaqstandaǵy PR kúnder aıasynda ótip jatqan forým qatar seksııalardyń jumysyna ulasty. «Jurttyń kóz aldynda júrgen tulǵalardyń ımıdjin jasaý», «Jaqsy pıarshy degen brendtiń baıraǵyn kóteremin dep beldi úzip almaýdyń joly qandaı?», «Qazaqstan men Reseıde vırýstyq kontentti jasaý jáne ony taratýǵa arnalǵan tehnologııalar» taqyryptaryndaǵy sheberlik dáristeri men pikirtalastar pıarshylardyń múddeliligin týǵyzdy.
Aınash ESALI,
«Egemen Qazaqstan».
ALMATY
