Áńgime barysynda J.Aıtjanova Qazaqstan jáne Vatıkan memleketteri álemdegi damý jáne turaqtylyq boıynsha ortaq kúsh biriktirip kele jatqandyǵyn atap ótip, Qazaqstannyń ishki saıası bastamalary jaıly baıandady.
О́z kezeginde Rım Papasy Fransısk adamzat ómirindegi ózekti máselelerge toqtaldy. Ol búgingi kúngi ekonomıkalyq jáne qarjylyq júıe qazirgi zamanǵy qoǵamnyń qaýipsizdigine tolyq jaýap bermeıtindigin aıtty. Qaqtyǵystardyń oryn alýyna dindi durys túsindirmeý jáne teris paıdalaný, sondaı-aq jeke maqsattaryn júzege asyrý jolynda Allanyń atyn paıdalaný syndy faktorlardyń yqpal etetindigin tilge tıek etti.
Pontıfıktiń pikirinshe, joǵaryda atalǵan qaýip-qaterlerge áleýmettik jaýapkershiligi bar ekonomıkalyq jáne álemdik qarjylyq júıeler, sonymen qatar, dıalog pen dıplomatııa, beıbitshilik jáne turaqtylyq – negizgi toıtarys berý quraldary.
Osyǵan oraı, Qazaqstan elshisi QR Prezıdenti Nursultan Nazarbaevtyń 2018 jyly Astana qalasynda ótkiziletin «Dinı kóshbasshylar qaýipsiz álemdi qoldaıdy» taqyrybyndaǵy álemdik jáne dástúrli dinder kóshbasshylarynyń sezin ótkizýi jaıly bastamasyn atap ótti.
Kezdesý sońynda pontıfık Prezıdent N.Á.Nazarbaev pen Qazaqstan halqyna jyly lebizderin bildirip, dıplomattyń qyzmetine sáttilik tiledi.
