Kezdesýde Qazaqstan men Túrkııa arasyndaǵy saýda-ekonomıkalyq qarym-qatynastardyń, sonyń ishinde ekijaqty saýdany arttyrý boıynsha keden organdarynyń orny men mańyzdylyǵy jóninde sóz boldy. Keden salasy boıynsha yntymaqtastyqty ilgerletýge qatysty ekijaqty josparlar da talqylandy.
«Qazaqstannyń Úshinshi jańǵyrýy: jahandyq básekege qabilettilik» atty Qazaqstan halqyna arnalǵan Joldaýdyń negizgi baǵdarlary týraly jáne EKSPO-2017 Halyqaralyq mamandyrylǵan kórmesi týraly habardar etken elshi óz sózinde Qazaqstan men Túrkııa arasyndaǵy qarym-qatynastardyń strategııalyq deńgeıde jalǵasyp kele jatqandyǵyn, keden salasyndaǵy yntymaqtastyqtyń kópjaqty jáne ekijaqty tuǵyrnamanyń negizinde júrgizilip jatqandyǵyn atap ótti. Sonymen qatar, Qazaqstan men Túrkııanyń keden organdary arasyndaǵy yntymaqtastyqtyń basty baǵdarlary boıynsha ekijaqty saýda salasyndaǵy taýarlarǵa qatysty aldyn-ala aqparattarmen almasý, Ýákiletti ekonomıkalyq operatorlardy tanystyrý jáne tájirıbe almasý máselelerine nazar aýdardy.
О́z kezeginde, mınıstr Qazaqstan Respýblıkasynyń Prezıdenti N.Á.Nazarbaevtyń ustanǵan kóregen saıasatyna joǵary baǵa berip, Qazaqstannyń Orta Azııa óńirindegi Túrkııanyń basty saıası jáne ekonomıkalyq áriptesi ekendigin atap ótti. Sondaı-aq, eki memlekettiń keden organdarynyń Jibek joly jáne Kerýen saraı jobalary boıynsha ózara yntymaqtastyqtyń mańyzdylyǵyna toqtaldy. Eki el arasynda kelisilgen ortaq jobalardyń iske asýyna múddeli ekendigin jetkizdi.
Túrkııanyń Keden jáne saýda mınıstri B.Túfenkchı elshi A.Saparbekulyn jańa qyzmetimen quttyqtap, júrekjardy tilektestigin bildirdi.
