Kópir qulap, jol jabyldy

Kún raıynyń san qubylyp, birde jylyp, birde sýyp, birqalypty bolmaýy darııaǵa da óz áserin tıgizip jatyr. О́tkendegi aıaz Syrdyń sýyn qatyryp, muz qursaýyna alǵan. Onan keıin qaıta jylyǵanda qatqan muz erip, ol keptelip, sýdyń aǵynyn tejeı bastady. Aqyrynda Jalaǵash aýdanyndaǵy Aqsý eldi mekeniniń tusynda ornalasqan «Ashyrman» qorǵanys beketi syr berip, sý buzyp ketti. Qarmaqshy men Jalaǵash aýdandarynyń arasyn sý basyp, jol júrý múmkindigin shektep tastady. Tipti, osyndaı tasqyn ke­zin­de sý ótkizýge eseptelgen kó­­pirge de kesirin tıgizip, bir ba­syn sý qulatyp ketken. Búgin­de jaǵ­daı qalypqa keldi. Degen­men, Qarmaqshy, Jalaǵash aýdan­daryndaǵy ishki jol jabyldy. О́ıt­keni, kópir jaramsyz. Negizgi qatynas «Batys Eýropa – Batys Qytaı» kólik dálizi arqyly júrip jatyr. Jalpy, darııa boıynda 56 qaýipti tus anyqtalǵan. Búginde onyń boıynda 91 mekeme, 2000-nan asa adam kezekshilikte tur. Qaýip keledi-aý degen jerdiń bar­­lyǵy qatań baqylaýǵa alyn­ǵan. Degenmen, aýa raıynyń qubyl­malyǵy óziniń kesirin tıgizbeı qalyp jatqan joq. Táýlik boıy kezekshilik uıym­das­tyrylsa da, sý arnasynan asyp ketip jatyr. Taǵy bir máseleni aıta ketken abzal. Darııa áli tolyq qatyp úlgergen joq. Desek te adamdar muzǵa shyǵyp, balyq aýlaýdy bastap ketken syńaıly. Burnaǵy kúni Shıeli aýdanynda eki adamnyń balyqqa ketip, qaıta oralmaǵany týraly derek shyqty. Tótenshe jaǵdaılar departamentiniń qyz­met­kerleri olardy izdestirip jatyr. Mamandar turǵyndardy tolyq qatpaǵan muzdyń ústimen júr­meýdi eskertýde. Erjan BAITILES, «Egemen Qazaqstan» Qyzylorda oblysy