«Táýelsiz Qazaqstan» poıyzy – Jetisý jerinde

Jaqsylyqqa úmit artyp, kúte bilý de bir ǵanıbet. Mine, «Táýelsiz Qazaqstan» poıyzy Jetisý jerine de jetti. Altynkól beketine aıaldaǵan poıyzdy Panfılov aýdanynyń ákimi Berdáýlet Abdýllaev pen Eńbek Eri Kúlásh Ahmetova bastaǵan óńir turǵyndary qarsy aldy. Qazaqy salt-dástúrmen yrym da jasaldy. El shekarasyndaǵy aýdannyń áleýmettik-ekonomıkalyq jaǵdaıy men osy óńirdegi Qurǵaq porty týraly aýdan basshysy qonaqtarǵa qysqasha maǵlumat bergen soń, el anasy K.Ahmetova turǵyndardyń yntymaǵy, tatýlyqty tý etken dostyǵy týraly maqtana aıtty. Elbasy tapsyrmasymen el aralap júrgen poıyzdaǵy densaýlyq saqtaý, bilim berý, azamattar qu­qyǵyn qorǵaý sekildi salalar bo­ıyn­sha mamandar ýaqytty ozdyrmaı birden elmen etene aralasyp ketti. Birneshe saǵatta 325 adam talapqa saı tirkelip, óz máselelerin ortaǵa salyp ta úlgerdi. Kásibı mamandar múmkindikteri boıyn­sha medısınalyq kómekterin kórsetýmen shektelmeı, naýqas­tarǵa tıisti oryndarǵa arnaıy baryp tekserilý joldaryn da aıtyp, qundy keńesterin berdi. Sonymen, «Táýelsiz Qazaqstan» poıyzy 7 jeltoqsanda Taldyqorǵan qalasyna kelip toqtady. Temir jol vokzalyna 200-ge jýyq adam jınaldy. Dúıim jurttyń aldyna Almaty oblysy ákiminiń orynbasary Jaqsylyq Omar shyǵyp, bul kúndi taldyqorǵandyqtardyń kópten kútip júrgendigin, sondyqtan medısına, áleýmettik máseleler jáne zań keńesin berý, taǵy da basqa salalar boıynsha ózindik kómek alý nıetteri bar ekenin jetkizdi. Kelesi kezekte «Táýelsiz Qazaqstan» poıyzynyń jetekshisi, L.N.Gýmılev atyndaǵy Eýrazııa ulttyq ýnıversıteti «Halyqaralyq qatynastar» kafedrasynyń professory Ámirjan Álpeıisov Qazaqstan halqy Assambleıasynyń tikeleı uıymdastyrýymen ótip jatqan respýblıkalyq aksııanyń negizgi maqsatyna toqtaldy. Jalpy, 7 mınıstrlik pen 3 ulttyq kompanııa­dan barlyǵy 272 adamnan turatyn delegasııa quramynda 71 medısına qyzmetkeri bar eken. Mamandar Taldyqorǵan qala­synda úsh topqa bólinip, halyqqa qyzmet kórsetýge kiristi. Túrli naý­qastary boıynsha zert­hana­lar qorytyndylaryn alyp, Tal­dyqorǵan qalalyq emha­na­syn­daǵy dárigerlerge aǵyldy.Em­hana mańynda syqasqan kóliktiń kóp­tigi óz aldyna, emhananyń qos qa­batyndaǵy kabınetterge bólingen dárigerlerdiń aldy bir sát te bosamady. «Táýelsiz Qazaqstan» poıy­zymen kelgen kásibı mamandar durys jol siltep, qundy keńesterin aıtýdan jalyqqan joq. Bilim berý salasy boıynsha Taldyqorǵan polıtehnıkalyq kol­ledji­niń májilis zalynda semınar-keńes ótti. Al 103 etnos ókiliniń basyn qosqan saltanatty jıyndy Qazaqstan halqy Assambleıasy Almaty oblystyq hatshylyǵynyń meńgerýshisi Ǵabıt Tursynbaı ashyp, baıandama jasady. Qashanda ózindik jarasymyn taba biletin Assambleıa jıynyna ár halyq ókili ulttyq kıimderin malynta kıip kelipti. Delegasııa jetekshisi Ámirjan Álpeıisov basty qundylyǵymyz – rýhanı baılyǵymyz ekendigin basa aıtyp, Elbasynyń kindik qa­ny tamǵan óńirdegi 7 beketti tolyq aralap shyǵý úshin segiz kún jumsalatynyna erekshe ekpin berdi. Negizgi maqsat – táýelsizdik jyldarynda qol jetkizgen jetistikterdi halyqqa aıtyp, eldiń birligin nyǵaıtý, turǵyndardyń áleýmettik jaǵdaıyn kórip, jaqsartý, sonymen qatar halyqtyń quqyǵynyń tolyq qor­ǵalýyna, nuqsan kelmeýine yq­pal etý ekendigi de ortaǵa salyndy. Bir shańyraqtyń astynda bas­tary qosylǵan saıyn tek jaqsy habarlarymen bólisetin ár ult ókilderi dostyqqa beriktigin bul kúni de kórsete bildi. Sóıtip, Dos­tyq úıinde oblystyq QHA-nyń ǵylymı-sarapshylyq keńesi jáne etnomádenı birlestikter ókilderi men aqparattyq-nasıhat tobynyń qatysýymen el Táýelsizdiginiń 25 jyldyǵyna arnalǵan «Táý­elsizdik – tuǵyrym» atty forým ótti. «Táýelsiz Qazaqstan» poıyzy belgilengen kestege saı túndeletip Úshtóbege bet aldy. Nurbol ÁLDIBAEV, «Egemen Qazaqstan» Almaty oblysy