Ulttyq dramatýrgııa baıqaýy

El Táýelsizdiginiń 25 jyldyǵyna arnalǵan «Táýelsizdik tolǵaýy» jańa pesalar baıqaýy óz máresine jetti. «Tarıhta izi qalǵan dara tulǵalarmen kezdesýdiń kıeli orny – teatr sahnasy» dep ultymyzdyń aıtýly klassıgi Ǵ.Músirepov aıtqandaı, qazaqtyń tili men ta­rıhyn, mádenıeti men óneriniń máıegine aı­nalǵan teatr sahnasyn kórkeıtetin janr qashanda dra­matýrgııa ekeni daý­syz. Soǵan oraı ýa­qyt talaby men ja­ńa­r­ǵan qoǵamdaǵy kó­rermenniń tala­by­na saı dúnıelerdi sah­nalaýǵa, son­daı-aq, kásibı mamandar sarabynan ót­ken pesalarǵa jyldan jylǵa su­ra­nys­tyń arta túsýi zańdy qubylys. Dra­ma­­týr­gııanyń baǵytyn aıqyndap, baǵ­da­ry­­nan ja­ńyldyrmaıtyn mamandardyń ádil synynan súzilgen shyǵarmalardyń te­atr sahnasyna jol tartýy keıingi jas býyn qalamgerlerdi tanytý men ulttyq dramatýrgııany damytýdyń múmkindigi sanalýda. Táýelsizdik týynyń egemen el kóginde jel­biregenine 25 jyl tolýyna oraı ótki­zil­gen baıqaýdyń maqsaty  – teatr repertý­arlaryn táýelsiz Qazaqstannyń búgingi kel­betin beıneleıtin shyǵarmalarmen to­lyq­tyrý, ulttyq teatr ónerine, óńirden shyq­qan ta­lantty dramatýrgterge qoldaý kó­rsetý, olar­dyń kórkem shyǵarmalaryn na­­sıhattaý, jas dramatýrgterdi anyqtaý bo­latyn. Sarapshylar nazaryna elimizdiń tú­­k­­pir-tú­­kpirinen 28 pesa kelip tústi. Baıqaýdyń erejesine sáıkes, qaty­sý­shy­­lar­ǵa buryn-soń­dy teatr sahnasyn­da qoı­ylmaǵan, táý­­elsizdik jyldarynda jazy­lyp, osy jyl­­­dardaǵy oqıǵalardy qam­tı­tyn, kór­kem­­dik deńgeıi joǵary shyǵar­ma­lar qa­byl­da­natyny atap kórsetilgen bo­­latyn. Res­pýb­lıkamyzdyń ádebı ále­min­de qarymdy qa­­lamymen tanylǵan be­l­­gili dramatýrgter men jazýshylar qa­zy­lyq etken baıqaý óz me­jesine jetip, jeńimpazdar anyqtaldy. Kez kelgen baıqaýda bas báıgeni ıe­len­­gen shyǵarma úlken oqıǵa týdyrýy ke­rek. Sol sebepti, bas júldeniń or­ny­na 1-oryndy 2 shyǵarmaǵa berýge she­shim qabyldaǵan qa­zylar alqasynyń or­taq uıǵarymy boı­ynsha birinshi júlde – Marhabat Baı­ǵuttyń «Asqarovtyń aqqaıyńdary» men Saıa Qasymbektiń «D­aýyl» pesalaryna, ekin­shi oryn – Baıǵalı Esenálıevtiń «Ana jú­regi», úshin­shi oryn Tóken Áljanteginiń «Jal­ǵyzdyq jań­ǵyryǵy» jáne Murat Qol­ǵanattyń «Ponı» shyǵarmalaryna berildi. Al arnaıy nomınasııalar, «Shyǵarmadaǵy rý­ha­nı keńistik», «Taqyryp tutastyǵy», «Ult­­tyq qundylyqty dáriptegeni úshin», «Bú­­gingi kúnniń jarqyn belgisi» atalymdary boıynsha Huseıin Ámir-Temirdiń  «Esh­kimge keregi joq aýyl», Uljan Shaı­­hıevanyń «Jeltoqsan aıy mazasyz», Aqyl­bek Shaıahmettiń «Alǵys pen qar­ǵys neme­se Jaryq pen kóleńke» jáne Asylbek Ihsa­novtyń «Haq joly» týyndylary marapattaldy. Qarashash TOQSANBAI, «Egemen Qazaqstan»