Elimizdegi jalǵyz mamandandyrylǵan bet-jaq jáne LOR organdary patologııasymen aýyratyn naýqastarǵa táýlik boıy jedel kómek kórsetetin Almatydaǵy №5 qalalyq klınıkalyq aýrýhana – emdeýmen qatar, janashyrlyq jáne qaıyrymdylyq sharalarymen de dástúrli túrde aınalysyp keledi. Munda eresektermen qatar, kásibı joǵary bilimdi úlken júrekti balalar dárigerleri jańa týǵan náresteden bastap 14 jasqa deıin em-dom kórsetedi.
Jýyrda Táýelsizdigimizdiń 25 jyldyǵyna oraı atalmysh aýrýhana ujymy 25 qaıyrymdylyq shara aksııasyna ún qosyp, shahardaǵy №2 mamandandyrylǵan Sábıler úıine kelip, kishkene balaqaılarǵa júrek jylýy men súıispenshilikterin bildirdi. Olar qysta kıetin ádemi kúrtesheler, túrli oıynshyqtar syılap, qamkóńil balalardy bir qýantyp tastady. Oıyn balasy emes pe, syılyqtary qolyna tıisimen, júzderi bal-bul jaınap, sekirip qýanǵandaryn aıtpańyz. Qaıtarymyna óleń, taqpaqtaryn kezek kútpeı, bir-birin tyńdamaı aıtyp jatyr.
– Bizder, dárigerler kúndelikti bala ómirimen kúrese júrip, deni saý bala – ata-ananyń qýanyshy ekenin, condaı-aq, deni saý bala – memlekettiń bolashaǵy, ulttyń saýlyǵy ekenin jaqsy túsinemiz, – dedi aýrýhana bas dárigeriniń orynbasary Maıa Bolshanova. – Sondyqtan dáriger úshin eń úlken alǵys, rahmet – ol kishkene pasıentteriniń júzinen kúlki kórý. Biraq búginde olar tek medısınalyq kómekke ǵana emes, meıirimge, súıispenshilikke zárý. Al qoǵamda otbasy, ata-anasy joq balalarǵa az da bolsa qamqorlyq jasap, qýanysh syılaý bizdiń mindetimiz. Sondyqtan da tól mereke qarsańynda osyndaı qaıyrymdylyq shara jasaýdy azamattyq boryshymyz sanadyq.
Bir aıta keterligi, №5 aýrýhana ózderine kórshi ornalasqan atalmysh balalar úıine bes jyldan beri turaqty kómek qolyn sozyp keledi. Oǵan qosa, emdeý-dıagnostıkalyq kómekterin de kórsetedi. Ár mereke saıyn táttilerin, syılyqtaryn alyp barady. Aldaǵy, 28 jeltoqsan kúni ótetin emdeý ornynyń jańa jyldyq shyrshasyna balalardy da shaqyryp otyr. Aýrýhana ujymy olarǵa syılyqtaryn daıyndap ta qoıǵan.
Búginde 75 orynǵa arnalǵan Sábıler úıinde 5 jasqa deıingi 50 bala tárbıelenip, onyń elý paıyzy týa salysymen múgedek, qalǵandarynyń ata-anasy abaqtyda otyrǵandar, ata-ana quqyǵynan aıyrylǵandar ekenin jetkizgen Sábıler úıiniń bas dárigeri Látıpa Qojamqulova, mundaǵy balalarǵa memleket tarapynan úlken kómek kórsetilip jatqanyn tilge tıek ete ketti. «Búgin bizdiń Sábıler úıinde toı. Táýelsizdigimizdiń 25 jyldyq merekesine oraı №5 aýrýhana ujymy úlken syılyq jasap otyr. Balalar soǵan qatty qýanýda. «Qaıyrymdy qol tamuqta kúımeıdi» degen, búgingi múmkindikti paıdalanyp, ózimiz súıip oqıtyn «Egemen Qazaqstan» gazeti arqyly aýrýhana ujymyna rızashylyǵymyzdy bildirgimiz keledi. О́ıtkeni, olar bes jyldan beri turaqty qaıyrymdylyq sharalaryn kórsetýmen birge, bizdiń balalardyń densaýlyǵyna baılanysty kelip te, bolmasa aýrýhanaǵa jatqyzyp ta tegin emdep beredi, – deıdi bas dáriger.
Gúlzeınep SÁDIRQYZY,
«Egemen Qazaqstan»
Elimizdegi jalǵyz mamandandyrylǵan bet-jaq jáne LOR organdary patologııasymen aýyratyn naýqastarǵa táýlik boıy jedel kómek kórsetetin Almatydaǵy №5 qalalyq klınıkalyq aýrýhana – emdeýmen qatar, janashyrlyq jáne qaıyrymdylyq sharalarymen de dástúrli túrde aınalysyp keledi. Munda eresektermen qatar, kásibı joǵary bilimdi úlken júrekti balalar dárigerleri jańa týǵan náresteden bastap 14 jasqa deıin em-dom kórsetedi.
Jýyrda Táýelsizdigimizdiń 25 jyldyǵyna oraı atalmysh aýrýhana ujymy 25 qaıyrymdylyq shara aksııasyna ún qosyp, shahardaǵy №2 mamandandyrylǵan Sábıler úıine kelip, kishkene balaqaılarǵa júrek jylýy men súıispenshilikterin bildirdi. Olar qysta kıetin ádemi kúrtesheler, túrli oıynshyqtar syılap, qamkóńil balalardy bir qýantyp tastady. Oıyn balasy emes pe, syılyqtary qolyna tıisimen, júzderi bal-bul jaınap, sekirip qýanǵandaryn aıtpańyz. Qaıtarymyna óleń, taqpaqtaryn kezek kútpeı, bir-birin tyńdamaı aıtyp jatyr.
– Bizder, dárigerler kúndelikti bala ómirimen kúrese júrip, deni saý bala – ata-ananyń qýanyshy ekenin, condaı-aq, deni saý bala – memlekettiń bolashaǵy, ulttyń saýlyǵy ekenin jaqsy túsinemiz, – dedi aýrýhana bas dárigeriniń orynbasary Maıa Bolshanova. – Sondyqtan dáriger úshin eń úlken alǵys, rahmet – ol kishkene pasıentteriniń júzinen kúlki kórý. Biraq búginde olar tek medısınalyq kómekke ǵana emes, meıirimge, súıispenshilikke zárý. Al qoǵamda otbasy, ata-anasy joq balalarǵa az da bolsa qamqorlyq jasap, qýanysh syılaý bizdiń mindetimiz. Sondyqtan da tól mereke qarsańynda osyndaı qaıyrymdylyq shara jasaýdy azamattyq boryshymyz sanadyq.
Bir aıta keterligi, №5 aýrýhana ózderine kórshi ornalasqan atalmysh balalar úıine bes jyldan beri turaqty kómek qolyn sozyp keledi. Oǵan qosa, emdeý-dıagnostıkalyq kómekterin de kórsetedi. Ár mereke saıyn táttilerin, syılyqtaryn alyp barady. Aldaǵy, 28 jeltoqsan kúni ótetin emdeý ornynyń jańa jyldyq shyrshasyna balalardy da shaqyryp otyr. Aýrýhana ujymy olarǵa syılyqtaryn daıyndap ta qoıǵan.
Búginde 75 orynǵa arnalǵan Sábıler úıinde 5 jasqa deıingi 50 bala tárbıelenip, onyń elý paıyzy týa salysymen múgedek, qalǵandarynyń ata-anasy abaqtyda otyrǵandar, ata-ana quqyǵynan aıyrylǵandar ekenin jetkizgen Sábıler úıiniń bas dárigeri Látıpa Qojamqulova, mundaǵy balalarǵa memleket tarapynan úlken kómek kórsetilip jatqanyn tilge tıek ete ketti. «Búgin bizdiń Sábıler úıinde toı. Táýelsizdigimizdiń 25 jyldyq merekesine oraı №5 aýrýhana ujymy úlken syılyq jasap otyr. Balalar soǵan qatty qýanýda. «Qaıyrymdy qol tamuqta kúımeıdi» degen, búgingi múmkindikti paıdalanyp, ózimiz súıip oqıtyn «Egemen Qazaqstan» gazeti arqyly aýrýhana ujymyna rızashylyǵymyzdy bildirgimiz keledi. О́ıtkeni, olar bes jyldan beri turaqty qaıyrymdylyq sharalaryn kórsetýmen birge, bizdiń balalardyń densaýlyǵyna baılanysty kelip te, bolmasa aýrýhanaǵa jatqyzyp ta tegin emdep beredi, – deıdi bas dáriger.
Gúlzeınep SÁDIRQYZY,
«Egemen Qazaqstan»
Sońǵy jańalyqtar
Project Silica: Aqparatty 10 myń jyl saqtaıtyn shyny
Qoǵam • Búgin, 23:52
Qoǵam • Keshe
Astanada bir qabatty avtoservıstiń ǵımaratynan órt shyqty
Elorda • Keshe
Atyraý qalasyn shańdy daýyl basyp tur
Aımaqtar • Keshe
Almatyda LRT qashan iske qosylatyny belgili boldy
Qoǵam • Keshe
