Balabaqsha aqysy qymbattap jatyr

Bıyl qazaqstandyqtar balabaqshalar men mektepke deıingi bilim berý mekemelerine ótken jylmen salystyrǵanda 7,1%-ǵa artyq aqsha tólegen, dep habarlaıdy abctv.kz. Osy jyldyń 3 toqsanynda  mektep jasyna deıingi balalardy oqytý men tárbıeleý qyzmetiniń jalpy quny 58,4 mlrd teńgeni qurady. Bul ótken jylǵa qaraǵanda 4 ese joǵary. 2016 jyldyń qarasha aıynda balany mektepke deıingi bilim berý mekemelerine bir ret aparý úshin ata analar ortasha eseppen 738 teńge tólegen. Bul 2016 jyldyń qazan aıymen salystyrǵanda 0,1%-ǵa tómen, alaıda ótken jylǵa qaraǵanda 7,1%-ǵa joǵary. Eń joǵarǵy baǵa Astanada — 1719 teńge nemese +25%, Almatydaǵy baǵa 1604 teńge, Aqtaýda — 863 tg, (+8,7%). Baǵanyń eń joǵarǵy ósý qarqyny Tarazda. Munda baǵa bir jylda 41,1%-ǵa deıin qymbattaǵan. Jalpy 3 toqsanda 58,4 mlrd teńgege qyzmet kórsetildi. Bul ótken jylmen salystyrǵanda 24,3%-ǵa joǵary. Munyń 20%-y nemese 11,2 mlrd teńgesi Ońtústik Qazaqstan oblysyna, 11%-y (6,2 mlrd teńge) Almatyǵa tıesili. 2016 jyldyń 3 toqsanynda mektep jasyna deıingi bir balany oqytý men tárbıeleý qyzmetine 79,9 myń teńge jumsalǵan.