Elordada Jeltoqsan oqıǵasyna qatysqandarǵa arnaıy syılyqtar tabystaldy

El Táýelsizdiginiń 25 jyldyǵy qarsańynda elorda ákimi Áset Isekeshev jeltoqsan oqıǵalarynyń 18 qatysýshysyna «Jeltoqsannyń 30 jyldyǵy» qurmet medaldaryn tabys etti, dep habarlady Astana ákimdiginiń baspasóz qyzmeti. Astana ákimi qonaqtardy quttyqtap, memlekettik merekeniń mańyzdylyǵyn atap ótti. «Bıyl el Táýelsizdigine 25 jyl, tarıhı turǵydan bul qysqa kezeń, biraq Qazaqstan úshin bul tarıhı kezeń. Elbasymyz aıtqandaı, bul jyldyń mańyzdy oqıǵasy. Elimizdiń barlyq jetistikterin uǵynyp, bolashaqqa jospar jasaýymyz kerek», – dedi ákim. «Memleket basshysy «Máńgilik elge» aınalý jolynda myqty memleket quryp, álemniń órkenıeti ozǵan 30 eliniń qataryna qosylý maqsatyn qoıdy. Mereke qarsańynda Jeltoqsan oqıǵalarynyń qatysýshylaryna estelik medaldar tabys etý men úshin jáne meniń áriptesterim úshin úlken qurmet. Táýelsizdigimizdiń 25 jyldyǵy este qalar oqıǵa bolady dep oılaımyn», - dedi ákim óz sózinde. О́z kezeginde marapatqa ıe bolǵandar ákimge alǵystaryn aıtty. «Astana – Prezıdenttiń tól perzenti. Bul bizdiń joba, memleketimizdiń kelbeti. Qyzmetińizde tolaǵaı tabystar tileımiz! Táýelsizdiktiń 25 jyldyǵyna oraılastyrylǵan sharalardy, sondaı-aq jeltoqsan oqıǵasynyń 30 jyldyǵyn laıyqty atap óteıik. Elimizdiń jetistikterin barsha álemge taǵy da pash eteıik. Qolymyzdan kelgenshe kómek berýge daıynbyz», - dep málim etti QR Parlamenti Májilisi apparaty basshysynyń orynbasary Sabyr Kasımov.