Pavlodarda omyrtqa aýrýlaryn emdeıtin mekeme ashyldy

Pavlodar oblysy Maı aýdanynda omyrtqa aýrýlaryn emdeıtin elimizdegi alǵashqy memlekettik ortalyq ashyldy, dep habarlaıdy pavlodarnews.kz. Ortalyqta bir mezette 30 adam emdele alady. Ortalyq omyrtqa aýrýlaryna shaldyqqan jáne túrli jaraqattan keıin tirek-qımyl apparaty buzylǵan adamdardy ońaltýǵa baǵyttalǵan. Bul maqsatta oblystyq bıýdjetten 50 mıllıon teńge bólingen. Maı aýdanynda jumys saparymen bolǵan oblys ákimi Bolat Baqaýov ortalyqtyń ashylýynyń arqasynda 40 adam jumyspen qamtylǵanyn tilge tıek etti. «Ortalyqqa kelgen naýqastar osynda tájirıbesimen bólisip, bir-birine keńes bere alady. Oblys turǵyndarynyń 3 paıyzy – múmkindigi shekteýli jandar. Ortalyqtyń ashylýy jáne mamandardyń kómegimen ońaltý jumystary oń nátıje beredi degen oıdamyn», – dedi oblys ákimi Bolat Baqaýov Pavlodar oblysy múgedekter qoǵamynyń tóraǵasy Georgıı Chetverıkovtiń aıtýynsha, buryn naýqastar tek qana 10 kúndik ońaltýdan tegin ótse, ortalyqtyń paıda bolýymen bul merzim 45 kúnge deıin sozylady. Aıta keterligi, munda arnaıy reabılıtolog maman naýqastarǵa birinshi kezekte ózine-ózi kómek kórsetýdi, ekinshiden, ózine jáne aınalasyndaǵylarǵa paıdasyn tıgizýdi jáne qoǵamǵa beıimdelýdi úıretedi. Sondaı-aq, sý asty massaj, trenejer zaly jáne emdik dene tárbıesi qarastyrylǵan.