Qostanaıda Seıit Kenjeahmetovke eskertkish taqta ilindi

Qostanaıda belgili satırık jazýshy, etnograf Seıit Kenjeahmetov turǵan úıge eskertkish taqta ilindi. Oǵan Qostanaı qalasyndaǵy zııaly qaýym ókilderi, qala basshylary jáne Seıit Kenjeahmetovtyń qalamdastary men balalary, týǵan-týystary keldi. Taqtanyń ashylý saltanatynda Qostanaı qalalyq ákiminiń orynbasary Bıbigúl Aqqojına, jazýshy Ǵumar Ahmetchın, tarıh ǵylymdarynyń doktory Amanjol Kúzembaıuly, jazýshynyń qyzy Zámzágúl Kenjeahmetova sóz sóılep, Seıit aǵany eske aldy, onyń shyǵarmashylyǵyn joǵary baǵalady. Balalary eskertkish taqtanyń ilinýine bastama kótergen ákesiniń zamandastary men qalalyq ákimdik qyzmetkerlerine alǵys aıtty. «Seıitpen oblystyq «Kommýnızm tańy» gazetinde qatar qyzmet istedik. Sekeń ádebıettiń satıra janrynda ǵana emes, jýrnalıstıkada, etnografııa salasynda kóp mura qaldyrdy. Artynan ergen shyǵarmashylyq jastarǵa erekshe qamqorlyqpen, iltıpatpen qarady, olardyń ár shaǵyramasyna balasha  qýanatyn», dep Ǵumar Ahmetchın Seıit Kenjeahmetovtyń ózine jazyp bergen estelik qoltańbasyn oqyp berdi. Eskertkish taqta ashylǵannan keıin kásipker Tólegen Jaılaýbaev Qostanaı qalalyq meshitinde Seıit Kenjeahmetovke arnap as berip, rýhyna quran baǵyshtatty. Názıra Járimbetova, «Egemen Qazaqstan». QOSTANAI