Izraıl Premer-mınıstrimen kezdesti

Senatta palata Tóraǵasy Qasym-Jomart Toqaev resmı saparmen Astanaǵa alǵash ret kelgen Izraıl memleketiniń Premer-mınıstri Bınıamın Netanıahýmen kezdesti, dep habarlady Senattyń baspasóz qyzmeti. Meımanmen kezdesýde Q.To­qaev B.Netanıahýdiń Mem­le­ket basshysy Nursultan Nazarbaev­pen kelissózderiniń qorytyn­dylary túrli saladaǵy ekijaqty yntymaqtastyqty nyǵaıtýǵa tyń serpin bere­tinine senim bildirdi. Q.Toqaevtyń aıtýynsha, qa­­zaq­standyq parlamentshiler Izraıl Knessetimen únqa­ty­sýdy nyǵaıtýǵa jáne ózara is-qımyldy óristetýge senim artady. Tóraǵa 2008 jyly par­lamenttik delegasııa basshy­sy retinde evreı memleketi tá­ýel­sizdiginiń 60 jyldyǵyna oraı Izraılge sapary týraly áńgi­meledi. Q.Toqaev meımandy Qa­zaq­stannyń saıası júıesindegi Senattyń rólimen tanysty­ra otyryp, Prezıdent N.Nazarbaev­­tyń bastamasymen júr­­gi­­zilgen ınstıtýttyq refor­malardy zańnamalyq turǵyda qoldaý týraly áńgi­meledi. Áńgime barysynda saıa­sı, eko­nomıkalyq jáne gýma­nıtar­lyq, sondaı-aq, halyq­aralyq jáne aımaqtyq qaýip­sizdik salalaryndaǵy ózekti máseleler boıynsha pikir almasyldy. Izraıl úkimetiniń basshysy Astanaǵa dástúrli Qa­zaq­stan-Izraıl dostyq qaty­nas­taryn jańa ári joǵary deń­geıge shyǵarý úshin kelgenin atap ótti. Izraıl joǵary teh­no­lo­gııalarmen bólisýge já­ne Qa­zaqstanǵa ınvestısııa­lar­men járdemdesýge daıyn. B.Ne­tanıa­hýdyń pikirinshe, eki mem­leket erkin saýda, tikeleı áýe qatynastaryn qalyptas­tyrý jáne birlesken bıznes-jo­balarǵa jan-jaqty kómektesý týraly ýaǵdalasýy kerek.