AQSh Federaldy qor júıesiniń ashyq naryǵyndaǵy operasııa komıteti 2015 jyldyń jeltoqsan aıynan beri alǵash ret bazalyq ústemeni kóterdi. Endi federaldy qordyń bazalyq paıyzdyq ústemesi 0,5-0,75 paıyz arasynda bolady.
Bul bazalyq ústemeniń sońǵy on jyl ishindegi ekinshi ret kóbeıtilýi.
Bazalyq ústemeni kóterýde atalǵan organ eldegi ınflıasııa deńgeıi men álemdik naryqqa taldaý jasaıdy. Federaldy qordyń málimitenshe, jumyssyzdyq AQSh elinde tómendep kele jatyr. Sonymen qatar sarapshylar azamattardyń jumsaıtyn aqshasynyń da kóbeıgenin aıtady.
AQSh dollarynyń ınflıasııasy ázirge 2 paıyzdan tómen saqtalyp otyr. Alaıda aldaǵy ýaqytta bul kórsetkish 1 paıyzǵa deıin túsedi degen boljam bar.
Federaldy qordyń osy sheshiminen keıin AQSh dollarynyń ózindik quny kóterildi. Nátıjesinde munaı baǵasynyń salystyrmaly túrde arzandaýy múmkin degen boljam bar.
