Kıikter qatań baqylaýda

2016 jyldyń 21 qarashasy men 2017 jyldyń 21 qantar aralyǵynda Qazaqstan bıoalýantúrlilikti saqtaý assosııasııasy (QBSA) QR Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti, Ishki ister mınıstrligi jáne RMQK О́B «Ohorzooprom» birlese otyryp aqbóken múıiziniń zańsyz saýdasyna qarsy aqparattyq kampanııasy jatyr, dep habarlaıdy Aýyl sharýashylyǵy mınıstrligi. Kampanııanyń negizgi maqsaty – kıik múıizderin satyp alý jónindegi habarlandyrýlar men jarnamalardyń taralýynyń aldyn alyp, qaskerlikpen kúresý. Qazaqstanda aqbókenniń dene múshelerin, etin, múıizin jáne basqa derıvattaryn zańsyz alý, ıemdený, saqtaý, ótkizý, ákelý, áketý, salyp jiberý, tasymaldaý nemese joıý zańmen qýdalanady. Úkimettiń qaýlysyna sáıkes aqbókenniń dene múshelerin jáne onyń derıvattaryn paılalanýǵa 2020 jylǵa deıin tyıym salynǵan. Degenmen, eldi-mekender kóshelerinde jáne ınternet keńistiginde aqbóken múıizin satyp alýshylardyń habarlandyrýlary men jarnamalary áli kúnge deıin kópten kezdesýde. Aqparattyq kampanııa halyq nazaryn osy máselege aýdaryp, at salysýǵa shaqyrady. Kıikti saqtaý sharasyna kez kelgen adam qatysa alady. Ol úshin kıik derıvattaryn satyp alam degen habarlamalardy fotoǵa túsirip QBSA-ǵa, áleýmettik jelilerde (feısbýk jáne vkontakte) qurylǵan arnaıy toptarǵa nemese What’s Ur arqyly +77781694828 nómirine jiberý qajet. Sonymen qatar, aqbóken múıiziniń saýdasy zańsyz ekendigi jazylǵan arnaıy japsyrmalardy alyp, habarlandyrý janyna jabystyrý kerek. Japsyrmany QBSA keńselerinen nemese «Ohotzooprom» bólimshelerinen alýǵa bolady. Is-sharanyń qorytyndysy boıynsha jınalǵan aqparattar quqyq qorǵaý organdaryna jiberiledi. Qazaqstan bıoalýantúrlilikti saqtaý assosııasııasynyń baılanys nómerleri (QBSA): 8 (7172) 91 00 44 8 778 169 48 28 Súttibaev Muhıt – aqbóken múıiziniń zańsyz saýdasyna qarsy aqparattyq kampanııanynyń úılestirýshisi. Japsyrmalardy taratý núkteleriniń meken-jaıyn is-shara úılestirýshisinen ala alasyz. Anyqtama: QR Qylmystyq Kodeksi 339-bap. О́simdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý О́simdikterdiń nemese janýarlardyń sırek kezdesetin jáne quryp ketý qaýpi tóngen túrlerin, olardyń bólikterin nemese derıvattaryn, sondaı-aq paıdalanýǵa tyıym salynǵan ósimdikterdi nemese janýarlardy, olardyń bólikterin nemese derıvattaryn zańsyz alý, ıemdený, saqtaý, ótkizý, ákelý, áketý, salyp jiberý, tasymaldaý nemese joıý, sol sııaqty olardyń mekendeıtin jerlerin joıý – úsh myń aılyq eseptik kórsetkishke (3000 AEK) deıingi mólsherde aıyppul salýǵa ne sol mólsherde túzeý jumystaryna ne 3 jylǵa deıingi merzimge bas bostandyǵyn shekteýge 3 jyl merzimge bas bostandyǵynan aıyrýǵa jazalanady.