Geologııa salasynyń ınvestısııalyq tartymdylyǵy artady

Ortalyq kommýnıkasııalar qyzmetiniń alańynda «25 jyl ishinde geologııalyq salanyń damýy týraly. 2016 jyl úshin qorytyndylar» degen taqyrypta baspasóz konferensııasy ótti. Investısııalar jáne damý mınıstrligi geologııa jáne jer qoınaýyn paıdalaný komıtetiniń tóraǵasy Bazarbaı Nurabaev 2016 jyly atqarylǵan jumystardyń negizgi qorytyndylary, sondaı-aq Qazaqstan Táýelsizdiginiń 25 jyly ishinde qol jetkizilgen nátıjeler jóninde baıandady. Ol 2015 jyldan bastap «100 naqty qadam» Ult jospary sheńberinde Geologııa jáne jer qoınaýyn paıdalaný komıteti 74-shi qadam – QPQ jáne KSSh boıynsha eseptilik standarttarynyń halyqaralyq júıesin (CRIRSCO) engizý boıynsha jumys júrgizip jatqanyn atap ótti. «2016 jyldyń maýsym aıynda Qazaqstan CRIRSCO komıtetiniń 10-shy múshesi boldy. Paıdaly qazbalar qorynyń esebi halyqaralyq standarttaryna kóshý mıneraldyq-shıkizat keshenniń ınvestısııalyq tartymdylyǵyn arttyryp, halyqaralyq bırjalarǵa shyǵý úshin usynylatyn aqparattyń ashyqtyǵy men anyqtyǵyn qamtamasyz etetinin aıta ketken jón», – dedi B.Nurabaev. Onyń aıtýynsha, Qazaqstannyń geologııalyq barlaýyna ınvestısııalar tartýdy yntalandyrý, ınvestorlar úshin qolaıly jaǵdaılar týdyrý maqsatynda, Investısııalar jáne damý mınıstrligi Energetıka mınıstrligimen birlese otyryp, «Jer qoınaýy jáne jer qoınaýyn paıdalaný týraly» kodeks ázirleýde. «Jalpy, ázirlenip jatqan «Jer qoınaýy jáne jer qoınaýyn paıdalaný týraly» kodekste qarastyrylǵan jańa tásildemelerdi iske asyrý geologııalyq barlaýǵa ınvestısııalardyń aǵylyp kelýine sebepshi bolady. Nátıjesinde, bul Qazaqstan Respýblıkasy aýmaǵynyń geologııalyq zerdelenýin edáýir kóterýge, sondaı-aq elimizdiń geologııalyq-shıkizat bazasyn tolyqtyrýǵa múmkindik týdyratyn bolady», – dep málim etti komıtet tóraǵasy.