О́ńirdiń jarqyn órnegi

Elbasy Nursultan Nazarbaev Ońtústik Qazaqstan oblysyna 40-tan asa jumys saparymen kelip, onyń ishinde Túrkistan qalasyna 13 ret at basyn burǵan eken. Mem­leket basshysynyń óńirge jumys saparlary negizinde, ob­lys ákimdiginiń tapsyrysy boıynsha, «Saq» kınostýdııasy «Táýelsizdik – tuǵyrym» atty derekti fılm ázirlegen. El Táýelsizdiginiń 25 jyldyq mereıtoıyna arnalyp jaryq kórgen «Táýelsizdik tebirenisteri» shy­ǵar­malar jınaǵy men «Táýel­sizdiktiń 25 juldyzdy sáti» fo­toalbomynda, sondaı-aq, «Qa­zaqstan joly: Ult Kósh­bas­­shysymen birge 25 jyl beı­bit­shilik pen jasampazdyq» atty ki­tapta túrli janrda ja­zyl­ǵan ma­qalalarda halyqtyń tur­mys-tir­shiligi, óńirdiń shırek ǵasyr­daǵy jetistikteri Elbasy saıasatymen baılanystyryla baıandalady. Joǵaryda atalǵan kitaptar men derekti fılmniń tusaýkeser rásimi Shymkenttegi «Otyrar» oblystyq ǵylymı-ámbebap kitap­hanasynda ótti. Saltanatty sha­­rada sóz alǵan oblys ákimi Janseıit Túımebaev Elbasy men Táýelsizdik egiz uǵym ekenin aıtty. «О́ıtkeni, elimizdegi qaıbir jetistik te Elbasynyń, eldiń eren eńbegimen tikeleı baılanysty. Muny sizder mereıtoıǵa oraı oblysymyzda shyǵarylyp otyrǵan búgingi kitaptardan da aıqyn ańǵara alasyzdar. Úsh kitap ta óńirimizdiń sońǵy 25 jylda jetken jarqyn jetistikteri týraly maǵlumattarmen ta­nysýǵa múmkindik beredi», dedi oblys ákimi. Sondaı-aq, ol Qazaq­standa Elbasynyń bastamasymen júzege asqan «Mádenı mura» baǵdarlamasy aıasynda kóptegen ıgi is atqarylǵanyn, qundy kitaptar shyǵarylǵanyn atap ótti. Jalpy, oblys basshysy rýhanı qundylyqtarǵa, ǵylymnyń damýyna erekshe mán berýde. Jastardyń ǵylymmen aınalysyp, el damýyna úles qosýǵa yqpal etetin jobalardy daıyndaýyna barlyq jaǵdaılar jasalǵan. Mysaly, jýyrda M.Áýezov atyndaǵy OQMÝ-da bolǵan Janseıit Túımebaev oqý oryndarynyń oblys eko­nomıkasynyń damýyna óz úle­sin qosýy kerektigin atap aıtty. Sol sııaqty, osy ýnıver­sıtette ótken «Qazaqstan jo­ly: Ult Kóshbasshysymen bir­ge 25 jyl beıbitshilik pen ja­sampazdyq» taqyrybyndaǵy el Táýelsizdiginiń 25 jyldyǵyna arnalǵan halyqaralyq ǵylymı - tájirıbelik konferensııada da shetelde, ne bolmasa, ózimizde bilim alǵan bilikti mamandar Otanymyzdyń, onyń ishinde Ońtústik óńiriniń órkendep, damýyna atsalysýlary qajettigi atap ótildi. Atalmysh konferensııa jumysyna 26 memleketten 120-dan astam bel­gili ǵalymdar, sondaı-aq qazaq­standyq 30 ýnıversıtettiń ǵa­lym­dary qatysqan bolatyn. «Otyrar» oblystyq ǵylymı-ámbebap kitaphanasynda tu­saýy kesilgen úsh eńbektiń biri – «Qazaqstan joly: Ult Kósh­basshysymen birge 25 jyl beı­bitshilik pen jasampazdyq» atty kitapqa OQMÝ-da ótken ha­lyq­aralyq ǵylymı konferen­sııada baıandalǵan ǵylymı maqa­lalar engizilgen. Sondaı-aq, konferensııa barysynda dúnıe­júzilik ǵylymı ortaǵa M.Áýezov atyndaǵy OQMÝ ǵalym­dary­nyń jańadan ashqan ǵylymı jańalyqtary tanystyryldy. Asylbek DOSALY ShYMKENT