Erjan qajy Malǵajyuly. Táýelsizdik – Allanyń bergen syıy men nyǵmeti

Asa qamqor, erekshe meıirimdi Allanyń atymen bastaımyn! Qurmetti baýyrlar, qadirli otandastar! Barshalaryńyzdy Táýelsizdigimizdiń shırek ǵasyrǵa tatyǵan 25 jyldyq torqaly toıymen quttyqtaımyn! Rasynda, biz keshegi aýmaly-tókpeli zamanda qıyndyqqa tózip, synaqqa sabyr etip, azattyqtyń aq tańyn atyrǵan halyqpyz. Sondyqtan da, Táýelsizdik – ultymyz úshin uly uǵym, qasterli sóz. Ata-babalarymyzdyń asqaq armany men ór rýhynyń, ımanǵa berik musylmandyǵynyń arqasynda kelgen Táýelsizdik – Allanyń bizge bergen syıy hám nyǵmeti. Allaǵa sansyz shúkirler aıtamyz. Egemendigimizben birge dinimiz de órkendep, elimizde eńseli meshitter men medreseler boı kóterdi. Táýelsizdik merekesi qutty bolsyn! Denderińizge saýlyq, kúsh-qaırat, otbasylaryńyzǵa amandyq tileımin. El ıgiligi men halqymyzdyń bolashaǵy jolyndaǵy jumystaryńyz berekeli bolsyn. Táýelsizdigimiz baıandy, duǵamyz qabyl, muratymyz asyl bolǵaı! Áýmın! Erjan qajy MALǴAJYULY, Qazaqstan musylmandary dinı basqarmasynyń tóraǵasy, Bas múftı