Biz qut qonǵan halyqpyz

Elimiz úlken bir belesten ótti. Ǵa­syrlar boıy armandaǵan jaqsy kúnge de jettik. Qa­zir bizdiń táýelsizdigimizge tatý­ly­ǵymyz, aýyzbirshiligimiz tirek bolyp tur. Biz qut qonǵan halyq­pyz! Elbasymyzdyń barshamyzdy el Táýelsizdiginiń 25 jyl­dy­ǵymen qut­tyq­taý jıynyna or­taq­tasyp qaıttyq. Mundaı tarıhı saltanatqa kýá bolý – bar­shaǵa buıyra bermeıtin baq. Búkil elimizdiń júrip ótken joly, kúrdeli de qıyn jyldar, jetistikterimiz ben tabystarymyz kóz aldymda tizilip, tebirenip otyrdym. Shynyn aıtý kerek, El­basymyz óziniń elin halyqaralyq arenada abyroıly durys jolmen alyp keledi. Jer betin sharpyp jatqan túrli kesapattardan da myqty saıasatynyń arqasynda arashalap, halqyn aman saqtap otyr. El azamattaryna Alla abyroı men qýat bersin! Táýelsizdiktiń 25 jyly – bizdiń býyn­nyń ýaqyt ólshemine syımaıtyn teńdessiz erligi. Osy mereıtoılyq jylda Qazaqstannyń Birikken Ult­tar Uıymy Qaýipsizdik Keńesine saı­­­lanýynyń sımvoldyq máni bar. Par­lament Táýelsizdiktiń 25 jyldyǵy dek­larasııasy bizdiń uly jetistikterimiz ben jeńisimizdi aıshyqtaǵan mańyzdy saıası-quqyqtyq qujatqa aınaldy, dedi Qazaqstan Prezıdenti. Memleketimizdiń basshysy atap ót­kendeı, bizdiń baılyǵymyz – tatý hal­qy­myz. Qazaqstan halqy Assam­bleıasy barlyq ultty qanatynyń as­tyna alyp, basyn biriktire bildi. «Eń bastysy, kez kelgen adam «Men – qazaq­stan­dyqpyn, bul – meniń elim, men munda baqytymdy taptym!» dep aıta alatyn ádiletti qoǵamdy ornattyq», dep otyr ǵoı. Rasynda osy jıynnyń ózinde otan­­dastarymyz ult­qa bólinbeı, qaýqyldasyp qa­ý­yshyp, rızashylyq­pen birin-biri qut­tyq­tap, qýanyp júrdi. Bári de Qazaqstany­myz aman bol­syn, tynyshtyq bol­­­syn dep tilep otyr. Osy jetken je­tis­tikterimizdi odan ári shegendeý úshin de bir jeńnen qol, bir jaǵadan bas shyǵaryp, alǵa júrýimiz kerek. Jas­ta­ry­myz arandatýlardan, teris pıǵyldy top­tardan aýlaq bolsa eken. Osy jıynnyń ózinde halqymyzdyń ál-aýqatyn jaqsartatyn óte jaqsy ja­ńalyqtar jarııa boldy. Estigen el­diń kóńil kúıi kóterińki.  Járdemaqy, zeı­netaqy kólemi artady. Jastarymyz da qalaǵan elinde qa­laǵan oqýyn oqyp, halyqaralyq deń­geı­de bilim alyp jatyr. Zamany qandaı ónermen aınalysamyn dese de múmkindik týǵyzyp berip otyr. Bızneske baramyn degenderine de jol ashyq. Memleket kóptegen baǵ­dar­lamalar jasap, munyń da jolyn jeńil­detip otyr. Bıbigúl TО́LEGENOVA, KSRO halyq artısi