Qýatty Qazaqstan – baıandy bolashaq

О́rkendi órleý kezeńi

Bıylǵy jyl aıryqsha tarıhı mańyzdy oqıǵalarǵa toly bolyp otyr. El táý­el­sizdiginiń 25 jyldyǵy atalyp ótýde. Bul ár qazaq­stan­dyqtyń boıynda pat­rıot­tyq namysty oıatyp, maq­tanysh sezimine bóleıdi. Shırek ǵasyrdy artqa tastaǵan egemen elimizdiń erteńi jar­qyn bolatyndaı aýqymdy jumystar atqaryldy. Mem­leket Basshysynyń Táýel­­­sizdiktiń 25 jyldyǵyna ar­nal­­­ǵan saltanatty jıynda sóı­le­gen sózin muqııat tyń­dadym. El­basy Nursultan Nazarbaev osy kezeń­de qol jetken jetistikterimizdi dáıekti derek­termen tarata baıandady. Qyran qanaty talatyn darhan dalamyz­da qanshama jańa kásiporyndar boı kóter­ge­nine, qanshama áleýmettik nysandar sa­lyn­ǵanyna taǵy bir kózimiz jetti. Osy shırek ǵasyrda Qazaqstan álemniń ozyq elderimen ıyq túıistire ala­tyndaı qýatty elge aınaldy. Ishki jáne syrtqy saıasattaǵy sát­ti qadamdarymyz da aıtýǵa tu­rar­­­­lyq. Shekaramyzdy shegendep al­dyq, she­teldermen terezesi teń dá­re­je­de sóılesetindeı qarym-qa­ty­nas or­nat­tyq. Álemde ıadrolyq qarýsyz beı­bit ómir súrýge bastama jasaý ar­qyly aýzyn aıǵa bilegen mem­le­ket­ter­diń ózderin moıyndattyq. Din jáne kon­fessııaaralyq tatýlyqty, eli­mizdi meken­­degen ulttar men ulystar ara­syndaǵy birlik pen yntymaqtastyq týyn joǵary kótergen qazaqstandyq damý jolynyń bastaýynda da Elbasy turǵany atar tańdaı aqıqat. Egemendiktiń ótpeli kezeńindegi qıyndyqtarǵa qaramastan alǵa basýshylyqtyń osyn­shalyq serpindiligin qamtamasyz etken Qazaqstan 25 jylda ekonomıkalyq da­mý­dyń sara jolyna tústi. Saltanatty jıyn­da sóılegen sózinde Nursultan Ábishuly: «1991-2016 jyldar aralyǵynda qazaq­stan­dyqtardyń tabysy 40 ese, al eldiń ishki jal­py ónimi 20 ese artty. Shamamen 2 mıllıon jumys orny ashyldy», dep atap ótti. Elbasy endi aýyldy túletýdiń qolǵa alynǵanyna toq­tal­dy. Qazirdiń ózinde aýyl sharýa­shylyǵyn damytýǵa baǵyttalǵan, «Jumyspen qamtýdyń jol kartasy-2020», «Sybaǵa», «Qulan», «Altyn asyq» jáne basqa baǵdarlamalar qazirdiń ózin­­de salany damytýǵa serpin berýde. Bıyl bizdiń seriktestik te Táýel­siz­d­ik­­tiń 25 jyldyǵyna tolaǵaı tartýmen ke­ldi. Sharýashylyqtaǵy 30 myń gektar egin alqabynyń ár gektarynan 13 sentnerden ónim jınadyq. Mal sany da ósti. Halyqtyń turmysy túzelip, ómir sapasy jaqsardy. Osynyń barlyǵy táýelsizdiktiń nátıjesi, Elbasynyń sarabdal saıasatynyń arqasy deý oryndy. Al, elimizdegi bolashaqqa baǵyttalǵan baǵdarlamalardyń bereri mol ekenine senim mol. Prezıdent alǵa qoıǵan da­my­ǵan otyz eldiń qataryna enýge degen alǵyshart qazirdiń ózinde jasalýda. Elý eldiń qataryna belgilengen mer­zimnen anaǵurlym erte qadam basqan Qazaqstannyń bul baǵyttaǵy josparlary dáıektiligimen kóńilge qonady. Amanǵos Tóleýov, «Stepnoe» JShS dırektory Aqtóbe oblysy, Qarǵaly aýdany

Damýdyń dańǵyl joly

Memleket basshysy N.Nazarbaev­tyń el táýelsizdiginiń 25 jyldyǵyna arnalǵan saltanatty jıynda sóı­legen sózin teledıdardan uıym­dasa tyńdadyq. Elbasy óz sózinde budan shırek ǵasyr burynǵy aýyr jaǵdaıdy eske alyp, «qazirgi jas urpaq úshin bul alystaǵy tarıh sııaqty, olar­ǵa biz únemi osylaı ómir súrgen sııaqtymyz», degendi aıtty. Budan 25 jyl burynǵy kezeń kóz aldymyzda – toqyraǵan ekonomıka, qysqartýlar men jumyssyzdyq,  jaıly jer izdep kóshken jerlester, sómke arqalap bazar jaǵalaǵan analar... munyń bári búginde eskiniń ertegisindeı estilgenimen, búgingi aǵa býyn betpe-bet kelgen sol ýaqyttyń shyndyǵy bolatyn. Biraq, bul qıyndyq janǵa jumsaq tıdi, bul aýyrtpalyqtyń dámi ashy emes bolatyn. Sebebi – sol kezeń bizdiń halqymyzdy ǵasyrlar boıy ańsaǵan azattyqqa jetkizdi, bul – azattyqtyń alǵashqy dámi bolatyn. Qıyndyqty sezbeýimizdiń bir sebebi osy bolsa, ekinshi sebebi – taǵdyr bizge kemeńger Elbasyn tartý etti, memleketimizdiń tizgini senimdi qolda boldy. Halyq jaqsy kúnge sen­di, jaqsylyqqa jumyldy. Asqaq rýh­tyń, jiger men senimniń nátıjesi, mine, 25 jylda molynan ańǵaryldy. Qazaqstan – álem tanyǵan, damý jolyn tańdaǵan jáne sol jolda erkin adymdaǵan memleketke aınaldy. Elbasy respýblıka jurtshylyǵy aldynda jasaǵan baıandamadan mem­leketimizdiń 25 jyldyq ǵumyry – táýelsizdiktiń eleń-alań shaǵy men odan bergi júrip ótken joldar, bú­gingi bıiktigimiz, keleshektegi kel­be­timiz kórinis berdi. Memleket basshysy ózin árda­ı­ym qoldap, tapsyrmalary men min­detterin buljytpaı oryndap, «bir jeńnen qol, bir jaǵadan bas» shy­ǵara bilgen otandastaryna rıza­shy­lyǵyn bildirdi. Qaı eldi bolmasyn tek tatýlyq, aýyzbirlik, ózara  yn­tymaq-ymyra ǵana damytady, san ult­tyń ókiline ortaq besik bolǵan eli­mizdiń birligi bekem bolsyn dep tileımin. Baıandamadan 2050 jylǵa qaraı Qazaqstannyń qandaı bolatyndyǵyn bilip, mereılene tústik. Qazaqstannyń joly – Elbasy mejelegen bıiktik, Elbasy nusqaǵan jol. Elimiz de, Elbasymyz da aman bolyp, damý dańǵylymen alǵa asa bereıik! Pánııa SARMÝRZINA, Mańǵystaý oblystyq Mádenıet basqarmasy basshysynyń orynbasary  

Búgingi eńbegimiz – erteńge ınvestısııa

Elbasy Nursultan Nazarbaevtyń Qazaqstan halqyn Táýelsizdigimizdiń 25 jyldyq mereıtoıymen quttyqtaǵan sózi memleketimizdiń keleshegi úshin alańdaıtyn árbir jannyń júregine jetti dep oılaımyn. – Táýelsizdiktiń 25 jyly – bizdiń býynnyń ýaqyt ólshemine syımaı­tyn teńdessiz erlik. Osy mereıtoılyq jyl­da Qazaqstannyń Birikken Ult­tar Uıymy Qaýipsizdik Keńesi­ne saı­la­ný­ynyń sımvoldyq máni bar. Par­lament qabyldaǵan Táýelsizdik­tiń 25 jyldyǵy deklarasııa­sy bizdiń uly jetistikterimiz ben jeńisimiz­di aıshyq­taǵan mańyzdy saıa­sı-quqyq­tyq quja­t­qa aınaldy, – dedi Pre­zı­dent. Shynynda da, egemen elimiz shırek ǵasyrda qol jetkizgen jetistikter ushan-teńiz. Olardyń bárin tizip jatýdy gazet beti kótermes. Bizdiń biletinimiz, álemdik mańdaıaldy sa­rap­­­shylardyń pikirinshe, Qazaqstan tórt­kúl dúnıe­ge «ekonomıkalyq ǵa­jaıyptyń» keremet úlgisin kórsete bildi. Júz otyzdan artyq ult pen ulystyń ókil­deri turatyn elimizde beıbitshilik pen kelisim basty qun­dylyq sanalyp keledi. Qazaqstan halqy assamb­leıasy barsha otandas­tarymyzdy bir shańyraqtyń astyna biriktirip otyrǵany dúnıe júzine úlgi bolatyndaı mysal. «Eń bastysy, kez kelgen adam «Men – qazaqstandyqpyn, bul – meniń elim, men munda baqy­tym­dy taptym!» dep aıta alatyn ádil­etti qoǵamdy ornattyq», dedi óziniń quttyqtaý sózinde Qazaqstan Prezıdenti. Nursultan Ábishulynyń qarqyndy damyp kele jatqan jańa elorda – Astananyń qurylýyn basty tabys­tarymyzdyń biri retinde atap ótkeni de ábden oryndy. Elordamyz taǵy bir shırek ǵasyr muǵdarynda Eýrazııa keńistiginiń qaq ortasyndaǵy 3 mıllıon shamaly halqy bar megapolıske aına­l­ýy tıis. Basqa qalalarymyz da soǵan qarap boı túzep, ǵylym men tehnologııa salalary da qaryshtaı beredi. Álemdik tájirıbe solaı. Avtomattandyrylatyn memlekettik qyzmetterdiń barshasy elektrondy formatqa kóshetin bolady. Bizdegi ınjenerlik, tehnıkalyq maman­dyqtarǵa oqytatyn joǵary oqý oryndary da osy mindetterdi alǵa qoıa bilýi tıis. Elimiz ekonomıkalyq jetistikter arqasynda halyqtyń ál-aýqatyn satylaı turaqty ósirip keledi. Memleket bas­shysy osy bir saltanat ústinde de Úkimetke 2017 jyly zeınetaqy mól­sherin bıylǵy deńgeıden 20 paıyzǵa, sondaı-aq bala týýǵa baılanysty bir jolǵy memlekettik jár­demaqy mólsherin de 2017 jylǵy 1 shil­deden bas­tap 20 paıyzǵa ulǵaıtýdy tapsyrdy. Qazaqstan Prezıdenti elimizdiń halyqaralyq arenadaǵy tabystaryna erekshe nazar aýdardy. – Jańa eldiń irgesin qalaǵan búgingi zamandastardyń eren eńbegi ýaqyt óte kele, tipti, myń jyldan keıin de urpaqtarymyzǵa Otanymyzdy odan ári ilgeriletý jolynda demeý bolyp, septigin tıgize beredi, – dedi Memleket bas­shysy. Bizge jiger bergen, erteńimiz úshin eren eńbekten aıanbaýǵa úndegen osy sóz. Táýelsizdigimiz baıandy, hal­qymyz baqýatty bolsyn! Arstan ǴAZALIEV, Qaraǵandy memlekettik tehnıkalyq ýnıversıtetiniń rektory, QR UǴA akademıgi QARAǴANDY

Búkil halyq shattanatyn kún

Elimizdiń Táýelsizdik merekesi búkil halyq shattanatyn kún ǵoı.  Astanadaǵy Elbasy  qatysqan  parasatty jıyn da osyndaı oıdyń  aıǵaǵy. Saltanatty jıynda Elbasy aıtqan árbir sóz Otanym, elim, jerim degen árbir qazaqstandyqtyń  júregine jetti dep oılaımyn. Kásipkerler úshin arnap aıtylǵan  qoldaýlary árqashan  bizdi jetistikterge jeteleıdi.  Mysaly, biz búginde ozyq tehnologııalardy paıdalaný arqyly bıe sútinen qymyz daıyndaý úshin, barlyq jumysty avtomattandyrylǵan  júıege aýystyrdyq. Sheteldik qondyrǵylar táýligine 1 tonnaǵa deıin, al aptasyna 5 tonnaǵa deıin qymyz óndirýge múmkindik beredi. Elimizdegi  «Bıznestiń jol kartasy-2020» baǵdarlamasynyń kómegimen nesıe alyp, óndiristi damyta bastadym. Árıne, memlekettiń kásipkerlikti  qoldaýynsyz  eshbir sharýashylyq, kásipkerlik isiniń alǵa baspasy anyq. Biz osy qoldaýdy,  demeýdi  kórip kelemiz.  Elbasy  kásipkerlerge, otandyq taýar óndirýshilerge únemi qoldaý kórsetedi. Elbasynyń Qazaqstandaǵy bıznesmenderdiń mıl­lıoner ákeleri bolǵan joq, degeni de sol ǵoı, bizder árkim ózimiz óz eńbegimizben osyndaı jarqyn tabystarǵa qol jetkizdik. Joqtan bar jasaýǵa, elimizge  qyzmet jasaýǵa umtyldyq. Qymyz óndirisin iske qosý jeke kásipkerliktegi negiz­gi strategııalyq maqsatyma aınaldy. Kim óz taýaryn arzan, sapaly etip óndire alsa, halyqaralyq saýdada joly bolady. Qazir «Saǵyp» qojalyǵynda  400 bıe bar, olardyń 180-i saýylady. Eńbektiń zeıneti beınetti eńbekpen keledi. Et jemeıtin, qymyz ishpeıtin qazaq joq. Qazir qymyz óndirý sehtarynda 30-ǵa jýyq bilikti maman eńbek etýde.  Polıetılen qutyǵa qaraǵanda, qymyzdyń shyny shólmekte jaqsy saqtalatynyn mamandar da, tutynýshylar da jaqsy biledi.  Respýblıkalyq «Altyn sapa» baıqaýynda júldeger atandyq. Sharýashylyq qurylǵan kúnnen bastap-aq qymyzdy TMD elderi men Eýropaǵa eksporttaý maqsatynda jumys bastaldy.  Belokýrıhadaǵy emdeý-saýyqtyrý ornynan shıpaly sýsyndy jetkizip turý jóninde usynys túsipti. Sharýashylyqta qazy-qarta, shujyq, qurt, qospa, súzbe, qaımaq jasaldy. Ferma aýmaǵynda qasaphanasy da bar. Seh mamandary et pen sút ónimderinen qazaqtyń ulttyq taǵamdaryn ázirleıdi. Ulttyq brend retinde  TMD jáne Eýropa elderi naryǵyna shyǵarýdy josparlap otyrmyz.   Árıne, álemdik saýdanyń erkin naryǵyna qosylý, oǵan ilesip ketý kásipkerlerge úlken talap, mindetter júkteıdi. Osy oraıda Prezıdent qazirgi kezde mundaı adamdar elimizde ómir súrip jatqandyqtan Qazaqstan óziniń kúsh-qýatyna senimdi ekenin atap ótti. «Memlekettiń saıasatyn paıdalanyp, dáýletin arttyryp, aýqatty bolǵany óte jaqsy. Al endi sol kezde halyqqa bet buryp, elge kómekteskeni úshin barsha is adamdaryna alǵys bildiremin», degeni, árıne, bizderge senim bildirgeni. Ol sóz  kásipkerlerdi  shyńdaı túsedi. Tóleý QUShMANOVA, «Saǵyp» sharýa qojalyǵynyń basshysy  Pavlodar oblysy

«Baldáýren» patrıotızmge baýlıdy

Memleket basshysy N.Nazarbaev mere­ke­­lik quttyqtaýynda qoǵamnyń tarıhı qys­qa merzimde qaryshtap damyǵanyn, beıbitshilik pen kelisimniń biregeı modeliniń qalyptasqanyn júıelep kórsetti. «Jalpy halyqtyń qalaýymen qurylǵan Halyq assambleıasy barlyq ultty qanatynyń astyna alyp, basyn biriktire bildi. Eń bastysy, kez kelgen adam «Men – qazaqstan­dyqpyn, bul – meniń elim, men munda baqytymdy taptym!» dep aıta alatyn ádiletti qoǵamdy ornattyq», – dedi Qazaqstan Prezıdenti. Bul «Balalar armanynyń araly» atanyp ketken Qazaqstan Artegine de qatysty aıtylǵan baǵa dep sanaımyz. Nursultan Ábishulynyń tikeleı bas­tamasymen boı kótergen shattyq mekeni táýelsiz memleketimizdiń búldirshinderge jasaǵan baǵa jetpes bazarlyǵy desek jarasady. Búgingi kúni «Baldáýren» TMD elderi men Ortalyq Azııa aımaǵyndaǵy balalardyń demalysyn uıymdastyrý, saýyqtyrý jáne jasóspirimderdiń shy­­­­­­- ǵar­­mashylyq qa­bi­­­le­tin damytýǵa qa­­jetti bar­lyq jaǵ­daıdy ja­saǵan bir­den-bir mekeme sana­lady. Jyl boıy úz­dik­siz qyzmet atqa­ra­tyn ortalyq ár aýysy­m­­- da 300 balany qa­byl­daıdy. Jalpy, on alty taqyryptyq aýysymda elimizdiń 4608 jasóspirimi mem­lekettik tapsyrys sheńberindegi klas­terlik tárbıe júıesinen ótedi. Munda ba­lalardyń tolyqqandy demalysyn uıym­­dastyrý, olardyń boıynda bilim men kreatıvti oılaý qabiletterimen qosa, áleýmettik jaýapkershilik, patrıot­tyq sezim, azamattyq jáne adam­ger­shi­lik us­ta­nym­daryn qalyp­tas­tyrý qaras­ty­ryl­ǵan. Prezıdenttiń bolashaqqa baǵyttalǵan min­detterinde jastar tárbıesine úlken ma­ńyz artylady. Ortalyǵymyzda jaýapty ispen 82 pedagog aınalysady. Soń­ǵy jyldary bizde otyzdan astam oqý-ádistemelik qural daıyndalǵany mu­ǵalimder biliktiliginiń joǵary eken­digin aıǵaqtaıdy. «Baldáýren» mek­tebindegi muǵalim – aqparattyq-kom­mýn­ıkatıvtik, pándik-modýldik oqytý teh­nologııalaryn jetik meńgergen, ýa­qytpen sanaspaıtyn tárbıeshi, ámbebap uıym­dastyrýshy-ustaz. Al kitaphananyń baı qory bilim kókjıegin keńite túsetini bel­gili. «Baldáýrendi» zamanaýı ǵylymı orda qataryna qosatyn sharalar tizbegi de san alýan. Elbasy Nursultan Nazarbaevtyń «Bal­dáý­renge» arnaıy kelip, «Dostyqtyń al­­tyn kópiri» atty taqyryptyq ashyq sa­baq­qa qatysýy erteńgi bolashaǵymyzǵa, orta­lyqtyń qyzmetine erekshe kóńil bóletininiń aıǵaǵy. Bolashaqqa qyzmet etetin ortalyqtyń ujymy Elbasynyń: «…Bizdiń jas mem­leketimiz ósip-jetilip, kemeldenedi, biz­diń balalarymyz ben nemerelerimiz onymen birge erjetedi. Olar óz urpaǵynyń jaý­apty da jigerli, bilim óresi bıik, den­­saýlyǵy myqty ókilderi bolady. Olar ba­balarynyń ıgi dástúrlerin saqtaı otyryp, qazirgi zamanǵy naryqtyq ekonomıka jaǵ­daıynda jumys isteýge daıar bolady. Olar beıbit, gúldengen, jyldam órkendeý ús­tindegi, kúlli álemge áıgili ári syıly óz eliniń patrıottary bolady», degen sózderin tý etip, asqaq ustaıdy. Muhıtdın TО́LEPBAI, respýblıkalyq oqý-saýyqtyrý ortalyǵynyń dırektory Aqmola oblysy, Býrabaı aýdany

Senim nyǵaıa tústi

Ilııas Jansúgirov atyn­daǵy Jetisý mem­lekettik ýnıver­sı­te­ti­niń oqytýshy-pro­fessorlyq qu­ra­my men stýdentteri Mem­leket bas­shysynyń el Táýelsizdiginiń 25 jyldyǵyna oraı jasaǵan baıan­damasyn tyń­dap, onda aıtylǵan má­selelerge qyzý qoldaý bildirdi. Elbasynyń osy kúnge deıin jetken jetistikterimizdiń bárine ulan-ǵaıyr qazaq dalasyndaǵy árbir óńirdiń aıryqsha úles qosqanyn atap ótkenin jetisýlyqtar da qýana quptap, razy boldy. Shet el sarapshylarynyń Qazaqstan jaıly aıtqan pikirlerinen úzindi keltire otyryp, ekonomıkamyzdyń qarqyndy damyǵanyn, sonyń arqasynda búginde álemniń 119 eline 2000-nan astam ónim túrin eksporttap otyrǵanymyzdy basa aıtty. Árıne, bul elimiz táýelsizdik alyp, egemen el bolǵan jyldarda júrgizilgen júıeli jumystardyń jemisi. Ásirese, zeınetaqy men bala týylǵanda beriletin bir rettik járdemaqynyń 20 paıyzǵa ósetini halyqtyń qulaǵyna jyly tıdi. Memleket basshysy bizdiń elimizdegi, jalpy álemdik ekonomıkadaǵy eń úlken jańalyq – osy 50 jyldyń ishinde «Qashaǵan» ken ornynyń tabylýyn atap ótkenin álem ekonomısteri de quptap otyrǵany anyq. Bul ken orny qazirgi tańda álemdik ekonomıkada óz ornyn alyp ári yqpalyn da tıgizip otyrǵany málim. Bul qundylyq bir meniń ǵana emes, oqý ornyndaǵy ustazdar men stýdentterdiń de kóńilderindegi kóp oıdy dóp basqany anyq ańǵarylady. Oı eleginen ótkizip, eksheı bilsek, bul baǵalaý – zańdy qubylys. Sebebi, ekonomıkada qara altynnyń alatyn orny erekshe. Memleket basshysy zeınetaqyny, áleýmettik tólemderdiń paıyzyn kóbeıtkeni de úlken jetistik dep oılaımyn. Ekologııa, saıasat, Táýelsizdik jetkiz­gen elimizdiń deńgeıi, mádenıetimiz, ádebıet­imiz, shet eldermen baılanystarymyz barlyq jaǵynan 7 tuǵyrnama boıynsha jaqsy aıtyldy. Bizdiń ǵana emes barsha qazaqstandyqtardyń kóńilinen shyqqan baıandamada Elbasynyń keleshek týraly oılary óte jaqsy boldy. Salıqaly oı jastardyń ǵana emes orta, aǵa býyn ókilderiniń janarlaryn ushqyndata, úmitterin úkiletkendeı áser berdi. Qoryta aıtqanda, munyń barlyǵy eldiń erteńgi kúnge degen senimderin bekitip,   tek jaqsylyqqa umtyltqanyn basa aıtqanymyz durys. Qýat Baımyrzaev, I.Jansúgirov atyndaǵy Jetisý memlekettik ýnıversıtetiniń rektory, geografııa ǵylymynyń doktory, professor Almaty oblysy

Kásipkerlerge kúsh-qýat berdi

Elimizdiń táýelsizdik alýymen ekono­mı­kanyń jańa bir salasy qanat jaıdy. Bul – shaǵyn jáne orta kásipkerlik. Alaıda, bastapqyda kásipkerlerdiń bári de óz isterin ashý úshin bankterden nesıe alatyny daýsyz. О́ıtkeni, Elbasy Nursultan Nazarbaev aıtqandaı, birde- bir kásipkerdiń muraǵa múlik ne qarjy­lyq kapıtal qaldyratyndaı mıllıoner ákeleri bolǵan joq. Degenmen, el kásipkerleri únemi Nursultan Ábishulyna arqa súıedi. Al Elbasy kásip ashýǵa nıet etken kez kelgen kásipkerdi qoltyǵynan demedi. Memlekettiń tarapynan qolda­- ý­yn kórsetti. Kásipkerlerdiń alǵan nesıe­leriniń bir bóligine memlekettik sýbsıdııa bergizdi. Salyqtyq jeńildikter jasaldy. Osynyń bári elimizde isin shaǵyn kásipten bastaǵan kásipkerlerdiń iri kásiporyndar ashyp, birneshe júz adamdy jumyspen qamtýyna jol ashty. – Búginde qalyptasqan bıznes­men­derimiz óz kúshimen sýyrylyp shyqty. О́ziniń eńbegimen iskerligin jáne eldiń bolashaǵyn qurǵan eńbekqor adamdar reformalardyń qundylyǵyn arttyr­ǵanyn únemi aıtyp júrmin, – dedi Elbasy. Bul kúnderi memlekettiń qoldaýyn, Elbasynyń qamqorlyǵyn sezingen kásipkerler de elge qaıyrymdylyq is jasaýǵa, kómek kórsetýge bet burdy. О́zge óńirler sekildi Atyraýda da óz aýyldarynda balabaqsha, sporttyq zaldaryn turǵyzýǵa qaltalarynan qarjy shyǵaryp, demeýshilik tanytyp júrgen kásipkerler qata­ry molaıa túsýde. Tipti keı kásip­kerler muq­taj jan­darǵa tur­ǵyn úıler salyp berýde. Mu­nyń se­be­bin olar «Kásibimizdi bastaǵan kez­de mem­le­kettiń qoldaýyn sezindik. Elba­synyń qam­qorlyǵymen kásibimizdi ór­ken­dettik. Endi biz de halyqtyń ál-aýqaty jaqsarýyna úlesimizdi qosýymyz qajet», dep túsindiredi. Jaqynda Atyraýdaǵy isker áıelder keńesi S.Qazybaev atyndaǵy mektep-ınternatynyń 25 tárbıelenýshisin óz qamqorlyǵyna aldy. Mundaǵy maqsat – ata-ana qamqorlyǵyna zárý balalardyń ıntellektýaldy damýyna, sportpen aınalysýyna qoldaý bildirý, óz betinshe ómir súrýine beıimdeý. Osynaý izgi maqsatty kózdegen qaıyrymdylyq qadamdy iske asyrý úshin oblystyq bilim basqarmasynyń, sondaı-aq, mektep-ınternattyń basshylarymen yntymaqtastyq memorandýmy jasaldy. El kásipkerleriniń osyndaı izgilikti isteri aldaǵy ýaqytta da jalǵasaryna senemin. О́ıtkeni, bastapqyda shaǵyn jáne orta kásipkerlikten bastap, búginde iri óndiris oryndaryna ıelik etetin kásipkerler eldegi reformalardyń jemisti bolaryna rııasyz senedi. Kásipkerler ózderine kásip ashýǵa kúsh-qýat bergen Nursultan Ábishulyna tirek bolýdy kózdeıdi. О́ıtkeni, Elbasy táýelsiz Qazaqstannyń bolashaǵy úshin, halqy úshin qıyn isterdi atqarýǵa táýekeldik tanytty. Qazaqstanymyzdy álemge pash etti. Eldiń ekonomıkasyn órkendetti. Halyqtyń turmysyn jaqsartty. Kásipkerler býynyn ósirdi. Básekege qabiletti otandyq mamandar shoǵyryn qalyptastyrdy. Munyń bári mereıimizdi ósiredi, otanshyldyq rýhymyzdy bıiktetti. Álııa BEKQOJIEVA, Atyraý oblystyq kásipkerler jáne jumys berýshiler odaǵynyń tóraıymy, oblystyq máslıhat depýtaty

Táýelsizdikke ár quımamyzben úles qostyq

Elordamyz­da ótken mańyzdy jıyndy О́skemen tıtan-magnıı kombınatynyń seh basshylary men úzdik eńbek brıgadalary­nyń jetekshi­leri bastaǵan eńbek ujymy da kórdi. Memleket basshysy Nursultan Nazarbaev Táýelsizdigimizdiń shırek ǵasyrlyq mereke­sine arnalǵan saltanatty jıynda ár otan­dasymyzdyń júregine jetetin jeteli sóz aıtty. Ásirese, Táýelsizdikti tuǵyrly etýge qosqan óńirlerdiń úlesin erekshe atap ótke­ni kóńilimizdi tolqytty. Sonyń ishinde je­riniń ústi de, asty da qazba baılyqqa toly Kendi Altaıdyń atalýy beker emes. Barsha qazaqstandyqtarmen birge biz – О́skemen tıtan-magnıı kombınatynyń eńbek ujymy, Táýelsizdiktiń 25 jylynda elimizdiń eko­nomıkasyn nyǵaıtýǵa, áleýmetin áleýettendirýge ár qorytpamyzben, ár quımamyzben óz úlesimizdi qostyq. Bul – biz úshin zor maqtanysh! О́ıtkeni, Elbasy aıtqandaı, erkin elimizdiń shańyraǵyn kóterisýge, irgesin bekitýge nátıjeli eńbekpen qatysýdyń jóni bólek. Elbasy 25 jyldy eńsergen qazaq­stan­dyqtar úshin endi jańa 25 jyl­dyq bas­talǵanyn aıtty. Qazaqstannyń Tá­ý­­el­sizdigine 50 jyl tolǵandaǵy kemel memlekettiń beınesin sýrettedi. Oǵan negiz joq emes. Aldaǵy jyldarda eli­miz­diń ekonomıkalyq ósim boıynsha álem­niń jetekshi elderiniń qataryna qo­sy­lý múmkindigi bar. Bul bar­sha­myzdyń júregimizge senim uıalatady. Sal­tanatty jıynda О́skemen tıtan-magnıı kom­bınatynyń basshysy Ásem Mamýtovanyń sóz sóıleýi bizdiń jyldar boıy atqarǵan ju­mysymyzdyń jemisti nátıjesi, onyń mem­leket tarapynan baǵalanýy dep bilemiz. Árıne, Prezıdent sózderinen paıym­da­ǵan, túıgen oıymyz kóp. Bul jańa turpatty memlekettiń ár azamatyna kúsh-jiger beredi. Biz osy shırek ǵasyrdaǵy damý qarqynyn ári qaraı údete berýimiz, elimizdi álemniń damyǵan 30 eliniń qataryna qosý jolynda aıanbaı ter tógýimiz kerek. Ulyq merekemiz qutty bolsyn! Alǵa, Qazaqstan! Qaırat ABDRAHMANOV, «О́skemen tıtan-magnıı kombınaty» AQ №12 sehynyń bastyǵy. Shyǵys Qazaqstan oblysy  

Eldi qýanyshqa bóledi

Shynynda, búgingi beıbit te berekeli ómirimizge halqymyz aýyzbirshilikti saqtaýdyń arqa­synda qol jetkizdi. Al shırek ǵasyrdaǵy el jetistikteri – Tuń­ǵysh Prezıdentimiz, par­tııa jetekshisi Nursultan Ábishuly Nazarbaevtyń sarabdal saıa­saty­nyń jemisi. Memleket bas­shysy Qazaqstan halqyn Tá­ý­el­sizdik mereıtoıymen qut­tyq­­taǵan saltanatty jıynda osy jyldardaǵy basty jetistikterge toq­talyp, «Biz beıbit­shilik pen kelisimniń bire­geı modelin qalyptastyrdyq. Eń bastysy, kez kelgen adam «Men – qazaq­stan­dyqpyn, bul – meniń elim, men munda ba­qytymdy taptym!» dep aıta alatyn ádi­letti qoǵamdy ornattyq», dep óte oryndy aıtty. Táýelsizdik jyldarynda elimiz talaı baǵaly bastamalardy júzege asyrdy. Eldiń úlken senimine ıe bolǵan «Nur Otan» partııasy da túıtkildi máselelerge jol ashyp, qoǵamdaǵy kóptegen problemalardyń sheshimin tabýǵa tikeleı aralasyp, qarapaıym turǵyndarǵa jaqyndaı tústi. Elbasy tóraǵalyq etetin partııanyń kóshbasshylyǵy aıqyn sezile bastady. Búginde bir ǵana Jambyl óńirindegi bas­taýysh partııa uıymdarynyń sany 401-ge jetýi – osy sózimizdiń dáleli. Osydan-aq oblys turǵyndarynyń «Nur Otan» partııasyna degen seniminiń joǵary ekenin baıqaýǵa bolady. Endi, mine, Memleket basshysy Úkimetke áleýmettik baǵdarlamalardy iske asyrý barysynda 2017 jyly zeınetaqy mólsherin bıylǵy deńgeıden 20 paıyzǵa, sondaı-aq bala týýǵa baılanysty bir jolǵy memlekettik járdemaqy mólsherin de 2017 jylǵy 1 shildeden bastap 20 paıyzǵa ulǵaıtýdy tapsyryp, uly mereke aldynda eldi úlken qýanyshqa bóledi. Biz, nurotandyqtar, Elbasy saıasatyn iske asyrýda onyń senimdi serigi ekenimizdi maqtan tutamyz. Qazaqstannyń ekonomıkalyq damýyna, azamattardyń ál-aýqatynyń budan ári ósýine óz úlesimizdi qosamyz. Bizdiń eldi odan ári demokratııalandyrý úshin quqyqtyq negizdi qalyptastyrý baǵytynda úlken jumys kútip tur. Laıym, el Táýelsizdiginiń merekesi elimizdiń árbir turǵynyna, árbir otbasyna amandyq-saýlyq, baq-bereke, jaqsylyq syılasyn. Masat BERIK, «Nur Otan» partııasy Jambyl oblystyq fılıaly tóraǵasynyń birinshi orynbasary

Jetistigi mol jyldar

Astana qalasyndaǵy Táý­el­sizdik saraıynda Prezıdent Nursultan Nazarbaevtyń qatysýymen Táýel­siz­diktiń 25 jyldyǵyna arnalǵan sal­tanatty shara bolyp ótti. Oǵan elimizdiń túkpir-túkpirinen jına­l­ǵan memleketimizdiń damýyna, táýel­siz­digimizdiń nyǵaıýyna zor úlesin qo­syp júrgen azamattar qatysty. Ony respýblıkalyq telearnalar ti­keleı efır arqyly halyqqa taratty. Saltanatty sharada Elbasy ótkenimizge kóz júrgirtip, qazirgi jetken jetistikterimizdi saralady. Onda keleli máseleler de aıtyldy. Máselen, Prezıdent N.Nazarbaev Úkimetke aldaǵy jyldan bastap  zeınet­aqy mólsherin 20 paıyzǵa ósirýdi tapsyrdy. Sonymen qatar, Memleket basshysy táýelsizdigimizdiń baıandy bolýyna úles qosyp kele jatqan elimizdiń árbir aımaǵyna jeke-jeke toqtalyp, alǵysyn bildirdi. Munyń bári de táýelsizdiktiń qasterli uǵym ekenin ańǵartsa kerek. Bastysy, saltanatty jıynda elimiz táýelsizdik alǵan tustaǵy qıyn kezeńder artta qalyp, qazir damýdyń dańǵyl jolyna túsken myqty memleketti kóre alatynymyzdy taǵy bir dáleldedi. Sondaı-aq, Elbasy qazaq tiliniń órisi keńeıip kele jatqanyn jetkizdi. «Biz qasıetti qazaq tili men ult­tyq mádenıetimizdiń jahandyq gýmanıtarlyq keńistikke erkin enýin qamtamasyz ettik. О́zderińiz kórip, esti­dińizder, qazaqtyń tili BUU Bas Assambleıasynyń tórinen estildi. Ol ǵa­rysh­tan da estildi. Búginde ınternettiń de tili bolyp otyr», dedi Prezıdent. El bolashaǵy qazaq tilimen tikeleı baılanys­ty. Sonymen birge, táýelsizdikke deıin Almatynyń ózinde bir ǵana qazaq mektebi bolǵanyn, alaıda 25 jyldan keıin elimizde qazaq tilinde bilim beretin 1 myńnan astam mektep ashylǵanyn atady. Elimizde stýdentterdiń 60 paıyzy memlekettik tilde bilim alyp jatqany da zor qýanysh. Elbasy qazaq tiliniń birneshe memleketterde, atap aıtar bolsaq, AQSh, Ulybrıtanııa, Germanııa, Qytaı, Oń­tústik Koreıa, Majarstan, Polsha, Ázer­­baı­jan, Armenııa sııaqty elderdiń ýnı­­­ver­sıtetterinde oqytylyp júrgenin aıt­ty. Jalpy, saltanatty jıynnan alǵan áserimiz zor. Táýelsizdiktiń 25 jyldy­ǵynda jetken jetistikter tolaǵaı. Elbasynyń sarabdal saıasatynyń arqasynda áli de talaı belesterge shyǵa­ty­nymyz aıqyn. Qylyshbaı BISENOV, Qorqyt Ata atyndaǵy Qyzylorda memlekettik ýnıversıtetiniń rektory