Soltústik Qazaqstanda kásipkerler marapattaldy

О́ńirlik Kásipkerler palatasynda El Táýelsizdiginiń 25 jyldyǵyn merekeleý aıasynda SQO áleýmettik-ekonomıkalyq damýyna úles qosqan bıznesmenderdi marapattady, dep habarlady QazAqparat. SQO KP dırektorynyń orynbasary Marat Ysqaqov Kásipkerler palatasy jumysynyń qorytyndysyn shyǵara kele, 3 jylda palata men onyń fılıaldaryna 10 myńnan astam kásipkerlerdiń ótinishi túskenin atap ótti. Onyń jartysyna jýyǵynyń quqyqtyq sıpaty bar. Osy ýaqyt ishinde soltústikqazaqstandyq bıznesmenderdiń quny 500 mln teńgeden astatyn sharalar boıynsha múddeleri qorǵalǵan. Kásipkerler palatasynyń usynysy negizinde oblys prokýratýrasy memlekettik organdardyń zańsyz áreketteri boıynsha 35-ten astam prokýrorlyq nazar aýdarý aktileri engizildi. «Biz mańyzdy mereke - Táýelsizdiktiń 25 jyldyǵynda kezdesip otyrmyz. palatanyń negizgi mindetteriniń biri bıznes sýbektileriniń quqyqtary men zańdy múddelerin qorǵaý jáne kásipkerlik qyzmetti qalypty júrgizýge kedergi keltiretin ákimshilik tosqaýyldardy anyqtaý bolyp tabylady. Palatanyń negizi qalanǵan sátten bastap qol jetkizgen nátıjeler bıznes ókilderimen tıimdi ózara jumys istemegende sátti bolmas edi», - dedi M. Ysqaqov. Oblystyń qoǵamdyq ómirine belsendi qatysýǵa jáne áleýmettik-ekonomıkalyq damýǵa eleýli úles qosqany úshin SQO ákimi alǵys hatymen Alla Sokol («Sokol» saýda kesheni» JShS), ÁKK oqytýshysy Ivan Slıpeskıı marapattaldy. QR Prezıdentiniń «Altyn sapa» syılyǵy baıqaýyna belsendi qatysqany úshin «Atameken» UKP prezıdıýmynyń tóraǵasy Tımýr Qulybaevtyń alǵys hatymen «Kırov» atyndaǵy zaýyt» AQ, Fırma Alekrı» JShS, «AVAGRO» JShS, SQO Kásibı-pedagogıkalyq kolledji marpattaldy. Áleýetti, jańadan bastaǵan, jumys istep júrgen kásipkerlerdi tálimgerlik qaǵıdattarmen «Jobalyq oqytý» komponentin iske asyrýda yntymaqtastyǵy úshin Kásipkerler palatasynan alǵys hatty «ABVGDeıka» balalardy zııatkerlik damytý ortalǵynyń basshysy Olga Jarkova, SQMÝ «Aýyl sharýashylyǵy» kafedrasynyń dosenti Aqan Júnisov, «SQO restoratorlar men otelerler qaýysdastyǵynyń» tóraǵasy Saıran Hamzın marpattaldy. Taǵy 16 sýbekti KP alǵys hatyn aldy.