Kelesi jyldan bastap 45 memleket úshin vızasyz rejim engiziledi

Syrtqy ister mınıstri Erlan Ydyrysov kelesi jyldan bastap 45 memleket úshin vızasyz rejimniń ashylatynyn jetkizdi, dep xabarlaıdy QazAqparat. «2017 jyly qańtar aıynan bastap ınvestısııalyq áleýeti joǵary ári ekonomıkalyq jaǵynan damyǵan 45 memleket úshin vızasyz rejim ashylady. Osy elderdiń azamattary 30 kúni boıy Qazaqstanda emin-erkin júre alady», – dedi E.Ydyrysov búgin Astanada ótken baspasóz máslıxatynda. Onyń aıtýynsha, vızasyz rejimge ilikken memleketterdiń ishinde Avstrııa, AQSh, Grekııa, Ispanııa, Shvesııa, Kanada, Fınlıandııa, Fransııa, Ońtústik Koreıa, Japonııa, Portýgalııa, Vengrııa, Kıpr, Belgııa, Sıngapýr, Monako, Iordanııa, Malaızııa, sondaı-aq EQYU, Eýropalyq odaq pen Ortalyq Azııa elderi bar. «Sonymen qatar, 48 memleketten turatyn taǵy bir tizim bar. Ol bólek, 45 eldiń azamattary Qazaqstanǵa vızasyz kire alady. Degenmen, bári de tirkeýden ótedi. Al 48 memleketten turatyndar úshin vıza alýdyń jeńildetilgen sharttary qarastyrylǵan. Olar vızany shaqyrtýsyz ala alady», – dedi mınıstr.