Andreı Karlov Reseı men Túrkııa dostyǵynyń sımvolyna aınaldy. Bul týraly Túrkııanyń vıse-premeri Týgrýl Tıýrkesh Ankaranyń halyqaralyq áýejaıynda ótken osy eldegi RF Elshisi Andreı Karlovpen qoshtasý rásiminde aıtty, dep habarlady Anadolu agenttigi.
"Bul qylmysty uıymdastyrǵan adamdar Karlovty óltirgen joq. Olar onyń atyn tarıhta qaldyrdy", - dedi Tıýrkesh.
Onyń aıtýynsha, Andreı Karlov Ankarada bolǵan jyldary eki memleket arasynda qıyn kezeńder ótken.
"Karlov Túrkııada Elshi bolyp júrgen kezderi reseı-túrik qarym-qatynasy óte úlken synaqtardan ótti. Biraq biz eki eldiń basshylarynyń arqasynda olardyń barlyǵynan óttik. Buǵan Karlovtyń da sińirgen eńbegi bar", dedi Tıýrkesh.
Vıse-premer Ankarada bolǵan jaǵdaıdy Reseı men Túrkııa qatynasyna syzat túsirgisi kelgenderdiń isi dep baǵalady. Al Túrkııanyń Syrtqy ister mınıstrligi bul qylmysty tergeý jumystary jan-jaqty júrgiziletinin aıtty.
Esterińizge sala ketsek, Reseıdiń Túrkııadaǵy elshisi Andreı Karlovqa qastandyq jasalyp, ol aýyr jaraqattan qaza tapqan bolatyn.
