21 jeltoqsanǵa arnalǵan aýa raıy

Búgin elimizdiń basym bóliginde  atmosferalyq frontaldy bólikterdiń ótýine baılanysty turaqsyz aýa raıy saqtalady. Keı jerlerde qar jaýady, tuman, kóktaıǵaq, burqasyn bolyp, jel kúsheıedi, tek ońtústik-shyǵys aımaqtarda aýa raıy jaýyn-shashynsyz bolady. Bul týraly «Qazgıdromet» RMK habarlady. Aqmola, Aqtóbe, Shyǵys Qazaqstan oblystarynyń keı jerlerinde burqasyn soǵyp, jeldiń ekpini 15-20 m/s kúsheıedi. Pavlodar oblysynda 15-20 m/s jyldamdyqpen soqqan jeldiń ekpini 25 m/s artady, kúndiz keı jerlerde burqasyn bolady. Qaraǵandy oblysynyń jekelegen jerlerinde burqasyn, tuman bolyp, jeldiń jyldamdyǵy 23 m/s kúsheıedi. Qostanaı oblysynyń keı aýmaqtarynda burqasyn, tuman kútiledi, túnde jáne tańerteń 15-20 m/s jel bolady. Batys Qazaqstan oblysynyń keı jerlerinde jaıaý burqasyn, túnde 15-20 m/s jyldamdyqta jel bolýy múmkin. Qyzylorda, Ońtústik Qazaqstan oblystarynyń keı jerlerinde tuman, kóktaıǵaq bolyp, kúndiz jel 15-20 m/s kúsheıedi. Jambyl oblysynyń jekelegen aýmaqtarynda tuman, kóktaıǵaq kútiledi. Almaty oblysynda túnde jáne tańerteń keı jerlerdi tuman basady.