Jeltoqsan qurbandaryna arnaldy

Petropavlda voleı­bol­dan Jeltoqsan oqıǵasy­nyń qurbany Nurjan Qalıas­qarovty eske túsirýge arnal­ǵan týrnır bolyp ótti. Batyr oǵlan Almatyda ózi qatarly stýdenttermen birge alańǵa shyǵyp, keńestik óktem saıa­satqa narazylyq bildir­gen. Qamaýǵa alynyp, uryp-soǵyl­ǵan. Oqýdan, komsomoldan shyǵarylǵan. Keıin aýyr dene jaraqaty asqynyp, 25 jasynda qaıtys bolǵan. Týrnır óskeleń urpaq boıyna eldi, jerdi, Otandy súıý sezimderin darytý maq­satyn kózdedi. Oǵan «Jel­toqsan» qory, oblystyq dene shynyqtyrý jáne sport basqarmasy muryndyq boldy. Jarystyń ashylý saltanatynda memlekettik gımn oınalyp, Jeltoqsan bozdaqtary rýhyna taǵzym etildi. Res­pýb­lıkalyq «Jeltoqsan aqıqaty» qoǵamdyq uıymy jer­gilikti bólimshesiniń tóraǵasy Botash Qajymov, mar­qumnyń aǵasy Nurlan sóz sóılep, aqıqatynan góri aq­tańdaǵy basym kezeń jaıly, jeltoqsanshylardyń erlik isteri týraly oı terbedi. Sońynan óńirdiń ár jerinen jınalǵan 18 komanda eki topqa bólinip, ja­rys­ty qyzdyrdy. Nátı­jesinde, úzdik oıyn ór­negin kórsetken biryńǵaı jınaq­taýshy zeınetaqy qory meke­mesi, «Ál-Farabı» lı­seıi, oblystyq ishki ister departamenti jáne «Ostrov» komandalary fınaldyq saıysqa joldama alyp, negizgi tartys osy tórttiktiń ara­synda órbidi. Azýly qar­sylastyń biri sanalǵan Pet­ropavl klassıkalyq gımnazııasyn 2:0 etip tize búktirgen tártip saqshylarynyń báı­geni shappaı alatyny týraly boljam rastalmady. Olar­dan álfarabılikter basym túsip, birinshi oryn aldy. Os­trovtyqtardy utqan zeı­net­aqy qorynyń saıyp­qy­randary úshinshi orynǵa jaıǵasty. Jeńimpazdar men júl­degerlerge qurmet gramotalary, eskertkish medaldar, ba­ǵaly syılyqtar tabys etildi. – Qazir Astanada jumys isteımin. Bıyl ózim oqyǵan «Ál-Farabı» mektep-lıseıi komandasy sapynda óner kórse­týge bel baıladym. Máse­le marapatta emes. Eń bas­tysy – Táýelsizdik úshin óshpes iz qaldyrǵan óndir­deı jastar qandaı qurmetke de laıyq ekenin sezdirý. Sonymen qatar, M. Qozybaev atyndaǵy Soltústik Qazaq­stan memlekettik ýnıver­sıteti quramynda bul týrnırge talaı jyl qatysqan ákem­niń jolyn jalǵastyrýdy jón kórdim, – deıdi elordadan arnaıy kelgen Dýlat Rsataev. О́mir ESQALI, «Egemen Qazaqstan» PETROPAVL