Golovkın men Djeıkobs jekpe-jeginiń bıletteri jaqynda satylymǵa shyǵady

WBA (Super), IBO, WBC jáne IBF tujyrymy boıynsha orta salmaqta álem chempıony Gennadıı Golovkın (36-0, 33 KO) men WBA tujyrymy boıynsha turaqty álem chempıony Denıel Djeıkobs (32-1, 29 KO) arasyndaǵy jekpe-jektiń bıletteri satylymǵa shyǵatyn kún belgili boldy. Bul týraly vesti.kz habarlady. 2017 jyldyń 18 naýryzynda ótetin kezdesýdiń bıletteri 24 jeltoqsannan bastap satylady. Nıý-Iork qalasyndaǵy Madison Square Garden arenasyndaǵy bir orynnyń eń arzan quny 100 dollardy qurasa, eń qymbaty – 1000 dollar. Olardy atalǵan arenanyń kassalarynan, sondaı-aq ticketmaster.com saıtynan satyp alýǵa bolady. Aıqasty HBO telearnasy kórsetedi. Madison Square Garden kesheniniń syıymdylyǵy – 17-18 myń oryn. Degenmen, boks keshinde 20 myń adamǵa deıin kire alady. Golovkın sońǵy ret munda 2015 jyldyń qazan aıynda kanadalyq Davıd Lememen judyryqtasqan. Al Denıel Djeıkobspen eń iri arenada besinshi márte kezdesý ótkizeıin dep otyr.