Pan Gı Mýn Ońtústik Koreıada prezıdenttik saılaýǵa túsýi múmkin

BUU memlekettik hatshysy Pan Gı Mýn Ońtústik Koreıadaǵy prezıdenttik saılaýǵa túsýge nıeti barlyǵyn tuspaldap  jetkizdi, dep habarlaıdy RIA Novostı Rıonhap agenttigine silteme jasap. «Meniń BUU memlekettik hatshysy retinde qyzmet atqarǵan 10 jyl boıǵy tájirıbem men kórgen-bilgenderim Koreıa Respýblıkasyn alǵa jyljytatyn bolsa, men ózimdi osy iske tolyqtaı arnaǵym keledi», - degen Pan Gı Mýnnyń sózin keltiredi agenttik. «Meniń múmkindigim shekteýli bolsa da, azamattardyń ál-aýqaty men tabysyn arttyryp, memleketti damyta alsam, men aıamaı eńbektenýge barmyn», dedi ol. Pan Gı Mýn prezıdenttik saılaýǵa qatysý týraly resmı túrde aıtpasa da, úmitkerler qatarynda onyń aty atalyp júr. Al bıylǵy jyldyń sońynda Pan Gı Mýnnyń BUU memlekettik hatshysy ókilettiligi aıaqtalady. Pan Gı Mýnnyń óziniń aıtýynsha, ol 2017 jyldyń qańtarynda Nıý-Iorkten Ońtústik Koreıaǵa barady. Esterińizge sala ketsek, Pan Gı Mýn buryn Ońtústik Koreıanyń syrtqy ister mınıstri qyzmetin de atqarǵan.