Jyr alyby Jambyl atyndaǵy aýdanda Táýelsizdiktiń 25 jyldyq mereıtoıy qurmetine arnalyp qazaqtyń ulttyq oıyny – kókpar tartyldy
Uzynaǵashtyń kúngeıinde «qıqý» salǵan júz qaraly kisi áp-sátte appaq qardyń boz-boranyn shyǵardy. Aýyzdyǵymen alysqan arǵymaqtar tanaýynan bý búrkip, qulaqshynyn basa kıgen apaıtós jigitter «atoı» saldy. «Qazaqtyń qany qyzý kókpar dese» degendeı-aq, jınalǵan qaýymnyń delebesi qozyp, aıyzy qandy-aı! Tipti talaılar qystyń kúni de kúzdegideı kókpar oıyny bolatynyna da tańdana almaı qaldy.
Almaty oblystyq «Kásipqoı» ulttyq sport klýbynyń dırektory Oryntaı Ámirǵalıev qystyń kózi qyraýdaǵy kókpar dodasy týraly oıyn bylaı bólisti:
– Sezimtal janýarlardyń ashy terin alyp qyrbyq qardyń ústinde bulaısha dodaǵa túsip, tartqan kókparymyzdy táýelsiz elimizdiń shırek ǵasyrlyq mereıtoıyna arnadyq. Alańǵa shyqqan barlyq at munda jyly kıindirilgen kúıde, jaıly kólikpen jetkizildi. Odan naǵyz sportshyǵa sport arenasynda kórsetiletin qamqorlyqtan eshbir aıyrmashylyq baıqamaısyz der edim. Qazaqtyń jany jylqymen bir, ózderińizge málim, sondyqtan da janýardyń qınalyp qalmaýy úshin bar jaǵdaı jasadyq. Eń bastysy, mundaı qys kókparyn biz birinshi ret ótkizip otyrǵanymyz joq...
Uzynaǵashtaǵy at tuıaǵynyń dúbirin aldyn ala alystan qulaǵy shalǵan tarazdyq «Áýlıeata» kókparshylar komandasy da qol qýsyryp qarap jata almapty. Qazaqstan kókparynyń áldeneshe dúrkin chempıony ataǵyn jeńip alǵan komandanyń jetekshisi – at bapkeri Nurdáýlet Momynov:
– Biz úshin elimizdiń táýelsizdiginen asqan mereke bar ma? Uzynaǵashtyq baýyrlarymyzdyń – ataqty atbegi Oryntaı Ámirǵalıevtiń shaqyrýyn qup alyp, arǵymaqtardy úsh «KamAZ»-ǵa tıep jetkenimiz osy, mereke qutty bolsyn, aǵaıyndar! – dedi.
Sportshylardy Jambyl aýdandyq «Nur Otan» partııasy tóraǵasynyń orynbasary Jumabek Shajabaev quttyqtap, salymnyń mol bolýyn tiledi. Aıtsa aıtqandaı, barlyq salym salýshy kókparshy ózine laıyqty syılyǵyn aldy. Sportshylardyń eshqaısysy da marapattan qur qalmady. Eń bastysy, jınalǵan sportshylar da, kórermen qaýym da egemendik merekesiniń shynaıy mánin túsindi.
Aýdanǵa ǵana emes, kúlli respýblıkaǵa esimi óte-móte tanymal atbegi Oryntaı Ámirǵalıevtiń Ult merekesine arnap shashqan shashýyna jurtshylyq alǵysyn jaýdyryp, kóńilderin sergitkeni úshin rahmet aıtty.
...Qyrbyq qardyń ústinde at tuıaǵy taıǵanamady.
Talǵat SÚIINBAI,
«Egemen Qazaqstan»
ALMATY
Sýretti túsirgen
Nurmanbet QIZATULY
Jyr alyby Jambyl atyndaǵy aýdanda Táýelsizdiktiń 25 jyldyq mereıtoıy qurmetine arnalyp qazaqtyń ulttyq oıyny – kókpar tartyldy
Uzynaǵashtyń kúngeıinde «qıqý» salǵan júz qaraly kisi áp-sátte appaq qardyń boz-boranyn shyǵardy. Aýyzdyǵymen alysqan arǵymaqtar tanaýynan bý búrkip, qulaqshynyn basa kıgen apaıtós jigitter «atoı» saldy. «Qazaqtyń qany qyzý kókpar dese» degendeı-aq, jınalǵan qaýymnyń delebesi qozyp, aıyzy qandy-aı! Tipti talaılar qystyń kúni de kúzdegideı kókpar oıyny bolatynyna da tańdana almaı qaldy.
Almaty oblystyq «Kásipqoı» ulttyq sport klýbynyń dırektory Oryntaı Ámirǵalıev qystyń kózi qyraýdaǵy kókpar dodasy týraly oıyn bylaı bólisti:
– Sezimtal janýarlardyń ashy terin alyp qyrbyq qardyń ústinde bulaısha dodaǵa túsip, tartqan kókparymyzdy táýelsiz elimizdiń shırek ǵasyrlyq mereıtoıyna arnadyq. Alańǵa shyqqan barlyq at munda jyly kıindirilgen kúıde, jaıly kólikpen jetkizildi. Odan naǵyz sportshyǵa sport arenasynda kórsetiletin qamqorlyqtan eshbir aıyrmashylyq baıqamaısyz der edim. Qazaqtyń jany jylqymen bir, ózderińizge málim, sondyqtan da janýardyń qınalyp qalmaýy úshin bar jaǵdaı jasadyq. Eń bastysy, mundaı qys kókparyn biz birinshi ret ótkizip otyrǵanymyz joq...
Uzynaǵashtaǵy at tuıaǵynyń dúbirin aldyn ala alystan qulaǵy shalǵan tarazdyq «Áýlıeata» kókparshylar komandasy da qol qýsyryp qarap jata almapty. Qazaqstan kókparynyń áldeneshe dúrkin chempıony ataǵyn jeńip alǵan komandanyń jetekshisi – at bapkeri Nurdáýlet Momynov:
– Biz úshin elimizdiń táýelsizdiginen asqan mereke bar ma? Uzynaǵashtyq baýyrlarymyzdyń – ataqty atbegi Oryntaı Ámirǵalıevtiń shaqyrýyn qup alyp, arǵymaqtardy úsh «KamAZ»-ǵa tıep jetkenimiz osy, mereke qutty bolsyn, aǵaıyndar! – dedi.
Sportshylardy Jambyl aýdandyq «Nur Otan» partııasy tóraǵasynyń orynbasary Jumabek Shajabaev quttyqtap, salymnyń mol bolýyn tiledi. Aıtsa aıtqandaı, barlyq salym salýshy kókparshy ózine laıyqty syılyǵyn aldy. Sportshylardyń eshqaısysy da marapattan qur qalmady. Eń bastysy, jınalǵan sportshylar da, kórermen qaýym da egemendik merekesiniń shynaıy mánin túsindi.
Aýdanǵa ǵana emes, kúlli respýblıkaǵa esimi óte-móte tanymal atbegi Oryntaı Ámirǵalıevtiń Ult merekesine arnap shashqan shashýyna jurtshylyq alǵysyn jaýdyryp, kóńilderin sergitkeni úshin rahmet aıtty.
...Qyrbyq qardyń ústinde at tuıaǵy taıǵanamady.
Talǵat SÚIINBAI,
«Egemen Qazaqstan»
ALMATY
Sýretti túsirgen
Nurmanbet QIZATULY
Sońǵy jańalyqtar
Almatyda jetkizý qyzmetterine talap kúsheıedi
Qoǵam • Búgin, 23:48
Qaraǵandydaǵy taý-ken kásipornyna 4 mln teńge aıyppul salyndy
Aımaqtar • Keshe
Aram aqshaǵa qunyqqan alaıaq alty jylǵa sottaldy
Qoǵam • Keshe
Elimizdiń úsh óńirinde aýa raıyna baılanysty joldar jabyldy
Aýa raıy • Keshe
Jańa Konstıtýsııa jáne ult saýlyǵy: sarapshy kózqarasy
Ata zań • Keshe
Bilim sapasyn arttyrýdyń jańa múmkindigi
Bilim • Keshe
Erteń Astanada birinshi aýysym oqýshylary qashyqtan oqıdy
Aýa raıy • Keshe
Astanada demalys kúnderi aýyl sharýashylyǵy jármeńkesi ótedi
Elorda • Keshe
Aldaǵy kúnderi el aýmaǵynda aıaz kúsheıedi
Aýa raıy • Keshe
