22 Jeltoqsan, 2016

Túrkııa men Ázirbaıjan ózara saýdany tól valıýtalarymen jasaıdy

176 ret
kórsetildi
1 mın
oqý úshin
Túrkııa shet eldik áriptesterimen ózara saýdany ulttyq valıýtalarynda jasaýǵa kóship jatyr. Buǵan deıin eldiń Reseı, Iran, Qytaımen osyndaı kelisimge kelgeni aıtylǵan edi. Sonymen qatar Japonııa da Túrkııamen tek lıra jáne ıenmen saýdalasýǵa múddeli ekenin málimdegen edi, dedi keshe Bakýde Túrkııanyń ulttyq ekonomıka mınıstri Nıhat Zeıbekshi jýrnalısterge bergen suhbatynda. Bul týraly Haberler basylymy jazady. Mınıstrdiń aıtýynsha, ózara saýdany júz paıyz ulttyq valıýtaǵa kóshirý múmkin emes, degenmen Ankara bul bastamany jedeldetýge bar kúshin salyp jatyr. Zeıbekshiniń aıtýynsha, Baký men Ankaranyń saýda-ekonomıkalyq qatynastary sońǵy jyldary jańa deńgeıge kóterildi. "Qazirgi tańda eki el arasyndaǵy taýar aınalymy 3,5 mlrd dollardy quraıdy. Aldaǵy ýaqytta bul kórsetkish 10-15 mlrd dollarǵa ulǵaıtylmaq", - dedi Zeıbekshi.