EO Túrkııamen Kedendik odaq kelisimin jańartpaqshy

Eýropalyq komıssııa EO Keńesine Eýrodaq pen Túrkııa arasyndaǵy Kedendik odaq týraly kelisimdi jańartý boıynsha Ankaramen resmı kelissózderdi bastaýǵa ruqsat suraıdy. Mundaı sheshim Eýrokomıssııanyń apta saıynǵy otyrysy qorytyndysy boıynsha qabyldandy, dep habarlaıdy Haberler basylymy. "Kedendik odaqtyń jańartylýy eki taraptyń da ekonomıkasyna oń yqpal etedi", - delingen Eýrokomıssııanyń málimdemesinde. Málimdemede aıtylǵandaı, Túrkııa men EO arasyndaǵy Kedendik odaq 1995 jyldyń 31 jeltoqsanynda qurylǵan, qazir ol jańa dáýirge beıimdelýi tıis. "Qazirgi kúıinde Kedendik odaq sharttary tek ónerkásiptik taýarlardy qamtıdy. Aýyl sharýashylyq salasy qujatta qarastyrylmaǵan", - delingen málimdemede. Túrkııa Eýroodaqtyń aýqymy boıynsha besinshi iri áriptesi. Taraptardyń qazirgi taýar aınalymy 140 mlrd eýrony quraıdy. "Eýroodaqtyń syrtqy saýdasynyń 40 paıyzy Túrkııamen jasalady. Al Túrkııa óz kezeginde syrttan alatyn ınvestısııasynyń úshten ekisin Eýroodaqtan alady", - dep jazylǵan málimdemede.