Eýrazııalyq ekonomıkalyq komıssııa otyrysynda 19 másele qaraldy

Máskeýde QR Premer-Mınıstriniń birinshi orynbasary Asqar Mamınniń tóraǵalyǵymen EEK (Eýrazııalyq ekonomıkalyq komıssııa) Keńesiniń otyrysy ótti. Atalǵan otyrys 26 jeltoqsanda Sankt-Peterbýrg qalasynda ótetin Memleket basshylary deńgeıindegi Joǵary Eýrazııalyq ekonomıkalyq keńes qarsańynda ótti, dep habarlaıdy primeminister.kz. Kún tártibinde 19 másele qaraldy. Talqylaý qorytyndysy boıynsha qatysýshy elder Eýrazııalyq ekonomıkalyq odaqtaǵy (EAEO) saýda, ekonomıka jáne qarjy saıasaty, energetıka jáne ınfraqurylym, básekelestik jáne monopolııaǵa qarsy retteý, ónerkásip, tehnıkalyq retteý salasynda birqatar mańyzdy sheshimder qabyldady. Komıssııa Keńesi otyrys barysynda EAEO aıasynda О́nerkásiptik yntymaqtastyqtyń negizgi baǵyttaryn júzege asyrýdyń nátıjelerine jyl saıyn monıtorıng júrgizý jáne taldaý týraly erejeni bekitti. Qujat О́nerkásiptik yntymaqtastyq odaǵyndaǵy damytýdy sıpattaıtyn sapaly jáne sandyq kórsetkishterdi anyqtaýǵa, Negizgi baǵyttardy júzege asyrý josparlaryn oryndaýdy taldaý, olardy júzege asyrý boıynsha jumystyń tıimdiligin arttyrýǵa baǵyttalǵan. Sondaı-aq, ónerkásiptik kooperasııa jáne sýbkontraktasııanyń eýrazııalyq jelisin qurýdyń tujyrymdamasy bekitildi. Tujyrymdamada áleýetti seriktesterdi jáne sýbkelisimdi tapsyrystardy jetkizýshilerdi izdestiretin basty aqparattyq jáne ıntegrasııalyq resýrs retinde múshe memleketterdiń ónerkásiptik kásiporyndarynyń biryńǵaı tizilimi negizinde eýrazııalyq jeli qurý kózdelgen. Keńes músheleri EýrazEO-ǵa múshe memleketterdiń Komıssııaǵa EýrazEO-niń kedendik aýmaǵyna ótkiziletin taýarlar týraly aqparatty usyný tártibin qarastyrdy. Mundaı ózara is-qımyl statıstıkalyq málimetterdi iske asyrýǵa, sonymen qatar ýaqytyly EvrazEO-nyń óndirýshi elderiniń múddelerin ilgeriletý boıynsha sharalar qabyldaýǵa múmkindik beredi. Keńes otyrysynyń qorytyndysy boıynsha Eýrazııalyq ekonomıkalyq odaqtyń ári qaraı damýyna baǵyttalǵan ózara tıimdi sheshimderge qol jetkizildi. Aldynda aıtylǵandaı, a. j. 26 jeltoqsanda Sankt-Peterbýrg qalasynda Memleket basshylary deńgeıinde Joǵary Eýrazııalyq ekonomıkalyq keńestiń otyrysy ótedi. Joǵary keńes otyrysy aıasynda EýrazEO-nyń Kedendik kodeksine qol qoıý josparlanǵan. Atalǵan qujattyń qabyldanýy EýrazEO aıasynda kedendik rásimderdiń tolyqtaı keshenin retteýge múmkindik beredi. EýrazEO-nyń halyqaralyq qyzmeti týraly suraqtar toptamasyna erekshe nazar aýdarylady. Budan ózge, Joǵary keńes otyrysy aıasynda Memleket basshylary EýrazEO-nyń jalpy elektr-energetıkalyq naryǵyn qalyptastyrý baǵdarlamasyn qarastyratyn bolady. Ony júzege asyrý ıntegrasııalyq birlestik aıasynda elektr energııasymen erkin saýda júrgizýge qajetti jaǵdaı jasaýǵa múmkindik beredi. Sondaı-aq, Memleket basshylary úılestirilgen kólik saıasatyn iske asyrýdyń negizgi baǵyttary men kezeńderin qarastyrady. Joǵary keńes otyrysy aıasynda Qyzmet kórsetý sektorlary boıynsha yryqtandyrý josparlaryn, sondaı-aq Saýdany qyzmet kórsetýlermen, mekemelerdi jáne qyzmetterdi retteý erejelerin bekitý josparlanǵan.