Baýyrlastyq baılanys basymdyqtary

О́tken aptanyń sońynda Qazaqstan Respýblıkasynyń Syrtqy ister mınıstri Erlan Ydyrysov Tashkentke sapar jasap, onyń aıasynda О́zbekstan Prezıdenti Shavkat Mırzıeevtiń qabyldaýynda boldy jáne óziniń ózbekstandyq áriptesi Abdýlazız Kamılovpen kelissóz júrgizdi, dep habarlady Qazaqstan Respýblıkasy Syrtqy ister mınıstrliginiń baspasóz qyzmeti. Bul О́zbekstandaǵy prezı­dent­tik saılaýdan keıin osyndaı jo­ǵary deńgeıde bolǵan alǵashqy eki­jaqty qarym-qatynas edi. Kezde­sýlerdiń negizgi taqyryby – ekijaq­ty qarym-qatynastardy belsendi ete túsý, Ortalyq Azııa óńirinde tu­raqtylyq pen qaýipsizdikke qater tóndiretin is-qımyldarǵa birlesip qarsy turý boldy. Bul arada, árıne, Qazaqstannyń 2017-2018 jyldary BUU Qaýipsizdik Keńesine músheligimen baılanys­ty paıda bolatyn múmkindikterdi utymdy iske qosý jaıyna da basa nazar aýdaryldy. Prezıdent Sh.Mırzıeevpen kezdesýi kezinde qazaqstandyq mınıstr О́zbekstan basshysyn Qazaqstan Prezıdenti Nursultan Nazarbaevtyń atynan jaqynda bolyp ótken saılaýdaǵy talassyz jeńisimen quttyqtady jáne Elbasynyń ystyq sálemi men izgi nıet, tilekterin jetkizdi. E.Ydyrysov, sondaı-aq, Qa­zaq­stan basshysynyń elimizdiń BUU Qaýipsizdik Keńesine turaqty emes múshe bolyp saılanýy sheńberinde birlesip jumys isteý jónindegi usynystar jazylǵan jeke joldaýyn tapsyrdy. Sh.Mırzıeevtiń sózine qara­ǵan­da, Tashkent Qazaqstannyń BUU Qaýipsizdik Keńesine turaqty emes múshe bolyp saılanýyn bú­kil óńirdiń tabysy retinde qaras­tyrady, soǵan oraı, ózbek tarapy Ortalyq Azııa taqyrybyn osy jahandyq-saıası organnyń kún tártibine ilgeriletý úshin birle­sip jumys isteýge daıyn eke­nin bil­di­redi. О́zbekstan Prezı­den­tiniń aı­tý­ynsha, qaýipsizdiktiń ótkir syn-qa­terleri qatarynda Aý­ǵan­stannan týyndaıtyn máseleler de bar. О́zbekstan Prezıdenti ıadro­lyq qarýsyzdaný men taratpaý­dyń jahandyq úderisteri men Or­talyq Azııany ıadrolyq qarý­dan azat aımaq dep jarııalaý­da óńirdiń barlyq elderiniń qol­daýy­men jáne qatysýymen júzege asyrylǵan bul iske Nursul­tan Nazarbaevtyń úl­ken úles qos­qanyn atap kórsetti. О́z kezeginde, E.Ydyrysov О́z­bek­stan basshysy bastamashylyq tanytqan, eldi áleýmettik-ekono­mı­kalyq jáne saıası damytýǵa baǵyttalǵan reformalardy joǵary baǵalady. О́ıtkeni, refor­malar qarapaıym adamdardyń ómir­lik qajettilikterin qamta­ma­syz etýdi kózdeıdi, sondaı-aq, «Halyqpen jáne adam múddesimen únqatysý» baǵdarlamasynda kórinis tapqan. «Baýyrlas eldegi bıznes ortany túbegeıli jaqsartý men tikeleı shetel ınvestısııalary úshin tar­tymdy ahýal qalyptastyrý jónin­degi qadamdar da nazar aýda­rar­lyqtaı», – dep atap ótti qazaqstandyq dıplomat. E.Ydyrysov sońǵy kezderi Astana men Tashkenttiń eki eldiń ekonomıkalyq ózara is-qımylyn belsendi ete túsý úshin ońtaıly jaǵdaı qalyptastyrý jónindegi naqty qadamdaryn quptaıtynyn bildirdi. Osy oraıda, qazaq jáne ózbek kásipkerleri arasynda saýda, ónerkásip jáne aýyl sharýashylyǵy óndirisi, logıs­tıka salalaryndaǵy bir­les­ken jobalardy júzege asyrýda tyǵyz baılanystar ornaǵany da nazardan tys qalǵan joq. E.Ydyrysov, sondaı-aq, Aqor­danyń О́zbekstan Prezıdentin memlekettik saparmen Astanaǵa shaqyrýyn qýattady. Sh.Mırzıeev shaqyrýǵa rızashylyǵyn bildirip, taıaýdaǵy yńǵaıly merzimde bul múmkindikti paıdalaný nıeti bar ekenin aıtty jáne óziniń Qa­zaqstanmen baýyrlastyq qarym-qatynastardy nyǵaıtý baǵytyn ustanatynyn kóldeneń tartty. О́zbekstan Syrtqy ister mı­nıstr­liginde bolǵan kelissózder ke­zinde yntymaqtastyqtyń kóp­tegen baǵyttarynda aıtarlyqtaı jan­daný baıqalatyny qanaǵat sezi­mi­men atap ótildi. О́ıtkeni, el­der ara­synda ózara qurmet, se­nim men tú­si­nistik artqan saıyn kez kel­­gen kúrdeli máselelerdi she­shý son­­shalyqty qıyndyq týǵyz­baıdy. Taraptar, sondaı-aq, sheka­ra­lyq jáne óńiraralyq ynty­maq­tastyq salasyndaǵy birlesken jobalardy júzege asyrýdyń pers­pektıvalaryn talqylady. Eki el syrtqy saıasat vedomstvo­larynyń basshylary Astana men Tashkenttiń ekijaqty qarym-qa­tynasyndaǵy ilgerileýshilikter búkil Ortalyq Azııadaǵy óńirlik yntymaqtastyqty keshendi túrde jolǵa qoıý úshin berik negiz qalaýy tıis ekenin atap ótti. E.Ydyrysov óziniń ózbek­stan­dyq áriptesine Qazaqstannyń BUU Qaýipsizdik Keńesiniń turaqty emes músheligine saılaný naýqany kezinde týysqandyq qoldaý kór­setkeni úshin rızashylyǵyn bil­dirdi jáne osy jaýapty laýazym­da bizdiń dıplomatııamyzdyń al­­­­­daǵy jumysyndaǵy negizgi ba­­sym­­­dyqtary týraly habardar etti. Astananyń da Tashkent sekildi Aýǵanstanda uzaq merzimdi tu­raqtylyq qalyptasýyna múddeli ekeni erekshe ataldy. Osyǵan baılanysty Astananyń atalǵan eldiń beıbit ómir, áleý­mettik-ekonomıkalyq da­mýy, ulttyq bilim berý júıesiniń áleýetin arttyrý úshin ınfraqurylymdardy qalpyna keltirýde ári qaraı da kómektesý nıeti bar ekeni kóldeneń tartyldy. Tutastaı alǵanda, Tashkenttegi kelissózder dostyq, iskerlik ráýishte ótip, Ortalyq Azııa óńirindegi eki asa iri memleket ara­­syn­daǵy áriptestik qarym-qaty­­nas­tardy ózara qurmet turǵy­synan bekitýge múmkindik berdi.