28 jeltoqsanǵa arnalǵan aýa raıy

Búgin Qazaqstan aýmaǵynyń basym bóliginde atmosferalyq aǵyndardyń ótýine baılanysty qar jaýady, respýblıkanyń ońtústik-shyǵysynda taý jáne taý bókterli aýdandarynda qatty jaýyn-shashyn kútiledi. Keı jerlerde burqasyn, tuman, kóktaıǵaq bolyp, jel kúsheıedi, dep habarlaıdy Qazgıdromet. Shyǵys Qazaqstan oblysynyń keı jerlerinde tuman, kóktaıǵaq kútiledi, jeldiń ekpini 15-20 m/s. Jarma aýdanynda ekpini 25 m/s kúsheıedi. Jambyl, Qyzylorda, Mańǵystaý, Atyraý, Batys Qazaqstan, Qaraǵandy oblystarynyń keı jerlerinde tuman, kóktaıǵaq kútiledi. Qaraǵandy oblysynyń keı jerlerinde túnde burqasyn bolady. Jambyl, Batys Qazaqstan oblystarynda jel 15-20 m/s, Jambyl oblysynda túnde ekpini 23 m/s kúsheıedi. Aqmola, Qostanaı, Pavlodar oblystarynyń keı jerlerinde burqasyn bolyp, jel 15-20 m/s kúsheıedi. Almaty, Ońtústik Qazaqstan oblystarynyń keı jerlerinde tuman bolyp, keı jerlerinde túnde jel 15-20 m/s kúsheıedi. Soltústik Qazaqstan oblysynyń keı jerlerinde jaıaý burqasyn bolyp, kúndiz keı jerlerinde jel 15-20 m/s kúsheıedi.