Atyraýda 32 jastaǵy máslıhat depýtaty qaıtys boldy

Atyraý oblystyq máslıhatynyń depýtaty Asqar Bopyldyqov (Asqar Tórebaı) qaıtys boldy. Ol jeltoqsannyń 27-sinen 28-ine qaraǵan túni syrqattan qaıtys boldy. Áleýmettik jelide onymen jaqyn dos-jarandary, belgili jýrnalıster, oblys jastary kóńil aıtyp jatyr. «О́mir biz oılaǵannan da tym qysqa, ári qatal! Búgin meniń baýyrym, áriptesim, aǵam Asqar Tórebaı Bopyldyqov dúnıeden ozdy. Jas bolsada, bas bolyp Táýelsiz elimizdiń damýyna ózindik úlesin qosyp júretin jan edi. О́zine tán ázilderi de erekshe bolatyn. Atyraý oblysy «Jas Otan» Jastar qanatynyń tóraǵasy, oblystyq maslıhat depýtaty bolatyn. Baýyrym janyń Jánnatta bolsyn! Sen úshin duǵa qylamyn!Amın!» – dep jazady Qyzylorda oblystyq «Jas Otan» jastar qanaty partııasynyń jaýapty hatshysy Abylaıhan Sabanbaev. «О́tken shaq. Endi kelmeıtin shaq. Jigittiń tóresi edi ǵoı... Qysqa ǵana ýaqytta qalalyq máslıhat depýtaty qyzmetin abyroımen atqaryp bitirip, túıede qom, atta jalsyz-aq oblys máslıhatynyń depýtaty bolyp edi. Sózi men isi qatar júretin. Kópten kútken uly toı, shańyraqty bolǵanyna da qýanǵanbyz. Onyń árbir qýanyshyna shattanyp otyratynbyz... Iá, endi (meniń demeıin) bizdiń altyn baýyrymyz Ashat Tórebaı týraly tek ótken shaqta ǵana sóz qozǵaıtyn bolamyz. Ajal qashan surap kelsin, Allanyń bergen syzyǵynan bir sát erte de hám kesh te emes keledi-daǵy... Tek júregiń syzdaıdy. «Qalaısha? Qalaısha? Ol áli jas emes pe edi? Jalyndap turǵan shaǵy edi ǵoı? Onyń áli alatyn asýy alda edi ǵoı? Bala-shaǵasy she? Qalaısha?..» degen suraq ózegińdi órtegende kúıdirip jiberedi», – dedi bloger Tımýr Bektur. «Atyraý óńiriniń kelesheginen úmit kúttirgen Asqardaı uly baqılyq boldy. Isker, həm sózsheń Bopyldyqov Asqar Tórebaı jas bolsa da, top jaryp, halyq qalaýlysyna aınalyp úlgergen-di. Asqar baýyrymnyń jaqyndary men atyraýlyq əriptesteri həm bútkil qazaq elinde turyp jatqan dos-jarandaryna qaıǵyryp, kóńil aıtamyz. Alla marqumǵa ıman baılyǵyn bergeı!» – dedi dintanýshy Qanat Jumaǵul. «...tik minezdi, jaǵympazdanýdy bilmeıtin, ultyna degen súıispenshiligi erek azamatty sum ajal ortamyzdan alyp ketti. Mańdaıǵa jazǵan az ǵana ýaqytyn el jastaryna, qala berdi, óńir jastaryna arnaǵan Asekeń edi. Ornyń oısyrap qaldy-aý. Árdaıym, jarqyraǵan aq jarqyn júzińmen jadymyzda saqtalasyn! Qosh, Asqar!» – dep eske aldy dosy Rollan Quspan. Aıta keteıik, Asqar Tórebaı 1984 jyly dúnıege kelgen. Marqum «Jas Otan» jastar qanatynyń atqarýshy hatshysy qyzmetin atqarǵan.