Májilis "Kollektorlyq qyzmet týraly" zań jobasyn maquldady

Búgin Májilis spıkeri Nurlan Nyǵmatýlınniń tóraǵalyǵymen ótken Palatanyń aǵymdaǵy jylǵy sońǵy jalpy otyrysynda  halyq qalaýlylary «Kollektorlyq qyzmet týraly» jáne oǵan ilespe zań jobasyn birinshi oqylymda maquldady, dep habarlady Májilistiń baspasóz qyzmeti. 2012 jyly Elbasy táýekelder kontraksııasyn táýelsiz baǵalaý ınstıtýttaryn jáne kollektorlyq agenttikterdi odan ári damytý tujyrymdamasyn bekitti. Onda azamattardyń quqyqtaryn qorǵaý úshin kollektorlyq qyzmetti memleket tarapynan retteý belgilengen. Alaıda, baıandamashy QR Ulttyq banki tóraǵasy Danııar Aqyshevtyń aıtýynsha, ol osy ýaqytqa deıin áli jasalǵan joq. Kollektorlyq kompanııalar biraz ýaqyttan beri jumys istep kele jatsa da, olardyń qyzmeti zańmen rettelmeıdi jáne memleket tarapynan baqylanbaıdy. Qazirgi kezdiń ózinde shamamen 60 kompanııa banktermen jasasqan sharttar negizinde bereshekti óndirip jatyr. Bankterdiń 928 myń boryshkeri kollektorlyq agenttikterdiń óndirip alý prosesinde. Halyqtyń nesıelik boryshy óte joǵary. Sondyqtan, usynylyp otyrǵan zań jobasy kollektorlyq qyzmetter naryǵyn damytý, boryshkerler men kredıtorlardyń quqyqtary men múddelerin qorǵaý, kollektorlyq agenttikter qyzmetiniń ashyqtyǵyn kúsheıtý, bereshegin óndirip alý boıynsha jumysta tıimdilikti jáne qaýipsizdikti arttyrýdy qamtamasyz etedi. Osy baǵytta Ulttyq Bank zań jobasynyń normalaryn júzege asyrýǵa jáne zań jobasy qabyldanǵan sátten bastap Qazaqstan azamattaryn áleýmettik qoldaýdy jáne kollektorlyq agenttikterdi baqylaýdy jedel qolǵa alýǵa daıyn. Osy kúni ekologııalyq máselelerge túzetýlerge baılanysty zań jobasy da depýtattar qoldaýyna ıe boldy. Ol Qazaqstan Respýblıkasynyń qoldanystaǵy ekologııalyq zańnamasyn jetildirý jáne quqyq qoldaný praktıkasy prosesinde anyqtalǵan quqyqtyq kollızııalardy joıý maqsatynda ázirlengen. Sondaı-aq zań jobasynda ekologııalyq kodekstiń keıbir normalaryn qoldanysqa engizýdiń biryńǵaı merzimin belgileý usynylady.