Alǵa umtylǵan aýyl

Noǵaıbaı – kúre joldan shalǵaıda jatqan qazaq eldi mekenderiniń biri. Bereke-birligi sútteı uıyǵan aýyl jumyspen túgelge jýyq qamtamasyz etilgen dese de bolady. Jyldyń tórt maý­symynda jol qatynasy úzilmeıdi. Jas ta bolsa bas bola bilgen «Noǵaıbaı» jaýapkershiligi shekteýli seriktestiginiń dırektory, oblystyq máslıhattyń depýtaty Altynbek Saparov aýyldastarynyń turmys-tirshiligi jaqsarýyna únemi kóńil bólýdi azamattyq paryzy sanaıdy. Kósheler asfaltalyp, elektr shamdary ornatylǵan. Ár úıge sapaly aýyz sý jetkizilgen. Fýtbol alańy jasalǵan. Seriktestik astyq, tórt túlik mal ósirip, tabystan túsken qarjynyń bir bóligin aýyldy abattandyrýǵa, az qamtylǵan otbasylar men qarttarǵa kómektesýge bólip otyrady. Qıyn jyldary shańyraǵy shaıqalmaǵan eldi mekenge jańa tehnıkalar ákelinip, mashına-traktor parki tolyq jańalanǵan. Jaqynda osynda seriktes­tik bólgen qarjyǵa kóp beıindi demalys ortalyǵy boı kóterdi. Onyń ashylý saltanatyna oblys ákimi Erik Sultanov qatysyp, kitaptar jıyntyǵyn tartý etti. Áleýmet­tik nysanda mádenı is-shara­lar ótkizýge bar­lyq jaǵdaı jasalǵan. Ǵalam­torǵa qosyl­ǵan kompıýter­men jab­dyq­talǵan kitap­hana, shetten kelgen jolaýshylar men meımandar úshin jaıly nómirler jumys isteıdi. О́mir ESQALI, «Egemen Qazaqstan» Soltústik Qazaqstan oblysy Sýretti túsirgen  Talǵat TÁNIBAEV