Eski kólikterdi satyp alý baǵdarlamasy 16 qańtardan tolyq jumys isteıdi

«О́KM Operatory» JShS tozyǵy jetken kólik quraldaryn ótkizýdi yntalandyrý Baǵdarlamasyn 2017 jyldyń 16 qańtarynan bastap Qazaqstannyń 17 qalasynda tolyǵymen iske qosady, dep habarlaıdy strategy2050.kz. «2017 jyldyń 4-15 qańtar aralyǵynda kóne kólikterdi baǵalaý jáne qabyldaýdy jetildirý jumystary júrgiziledi.  Osy rette О́KM Operatory QR IIM ákimshilik polısııa Komıtetimen birlesip, kólik quraldaryn joıý maqsatynda esepten shyǵarý jónindegi jalpyǵa ortaq anyqtama qujat bekitedi», - dep habarlady Energetıka mınıstrligi. Sondaı-aq halyqqa yńǵaıly bolý úshin О́KM Operatory QR energetıka Mınıstrilgimen jáne Respýblıkalyq notarıaldyq palatamen birlesip, kólik quralyn joıýǵa ótkizýge senim bildirý jónindegi ortaq úlgi engizetin bolady. Jáne de О́KM Operatory «Qazposhta» AQ (jeke jáne zańdy tulǵalarǵa eseptik shot ashý úshin) kelisimge qol jetkizdi. 2017 jyldyń 4 men 15 qańtar aralyǵynda elektrondy kezek júıesi engizilip, eski kólikterdi jınaıtyn mobıldi beket kestesi jasalady. Sondaı-aq tozǵan kólikterdi qabyldaý jáne baǵalý jumysy jetildiriledi. Aıta ketý kerek, 2016 jyldyń 21 qarashasynan bastap júzege asyrylǵan pılottyq joba aıasynda elimiz boıynsha 4774 eski kólik  qabyldandy (21 qarasha men 27 jeltoqsan aralyǵynda). Kórnergen kólikterdi qabyldaý boıynsha Shymkent qalasy kósh bastady. Bir aıdan astam ýaqytta atalǵan qaladan - 661 avtokólik jınaldy. 672 kólik ótkizgen Qostanaı ekinshi orynda. 412 mashına tapsyrǵan Aqtóbe qalasy úshtikti túıindegen. Joıý maqsatynda qabyldanǵan avtokólikterdiń ortasha jasy 25-30 jyl aralyǵyn qamtıdy. Tozǵan kólikterdi ótkizýdi yntalandyrý Baǵdarlamasy iske qosylǵaly beri qabyldanǵan 4772 kólik birinshi sanat (150 myń teńge) boıynsha baǵalandy.  Tapsyrylǵan kólikterdiń arasynda tek 2 avtokólik ekinshi sanatqa (48 myń teńge) jatqyzylǵan.