«Astanaenergosbytke» 3 mln teńgege aıyppul salyndy

Antımonopolııalyq organ «Astanaenergosbyt» JShS-ǵa zańnamany buzǵany úshin 3 mıllıon teńge aıyppul saldy, dep habarlaıdy mekemeniń baspasóz qyzmeti. «Astanaenergosbyt» JShS «Tabıǵı monopolııalar jáne retteletin naryqtar týraly» QR Zańynyń 5-baby, 1-bólimi, 5-tarmaqshasynda kórsetilgen (tabıǵı monopolııalar sýbektisiniń retteletin qyzmetterine (taýarlarǵa, jumystarǵa) qoljetimdilik jaǵdaılaryn mindetteý nemese tutynýshylardy kemsitýshilikke ákep soǵatyn ózge de áreketter) quqyqbuzýshylyq faktisi anyqtaldy», - delingen QR Tabıǵı monopolııalardy retteý jáne básekelestikti qorǵaý komıtetiniń habarlamasynda. Osyǵan baılanysty «Astanaenergosbyt» JShS-ǵa QR ÁQBK 164-baby, 4-bólimi boıynsha ákimshilik jaýapkershilikke tartý týraly hattama toltyryldy. Komıtet departamenti seriktestiktiń ótinishine sáıkes, QR ÁQBK 24-baby boıynsha ákimshilik quqyqbuzýshylyq týraly isti mamandandyrylǵan aýdanaralyq ákimshilik sottyń qaraýyna jiberdi. Mamandandyrylǵan aýdanaralyq ákimshilik sottyń qaýlysymen 1600 AEK aıyppul túrinde ákimshilik jaza taǵaıyndaldy, ıaǵnı memleket paıdasyna 3 393 600 teńge óndiriledi.