BUU Qaýipsizdik Keńesi zalynda QR Týy ornatyldy

2016 jylǵy 31 jeltoqsanda Birikken Ulttar Uıymynyń Nıý-Iork qalasyndaǵy shtab-páterinde BUU Qaýipsizdik Keńesi zalynyń aldyna Qazaqstan Respýblıkasynyń memlekettik týyn, sondaı-aq QK-niń resmı zalyndaǵy kelissózder ústelinde jáne jabyq kelissózderge arnalǵan bólmesinde elimizdiń aǵylshyn tilindegi ataýyn qamtıtyn taqtaıshasyn ornatý rásimi bolyp ótti. Qazaqstanmen qatar, resmı ýákilettiligi 2017 jyldyń 1 qańtarynan bastalatyn, Qaýipsizdik Keńesiniń jańadan saılanǵan basqa da turaqty emes músheleri - Bolıvııa, Italııa, Shvesııa jáne Efıopııanyń týlary men taqtaıshalary ornatyldy. Bul elder, óz kezeginde, tıisinshe Malaızııa, Venesýela, Ispanııa, Jańa Zelandııa jáne Angolanyń ornyn basady. Atalǵan rásim Keńestiń turaqty emes músheligindegi jańa bestiktiń óz jumysyn bastaıtyndyǵyn bildiredi. Biz bul qurylymnyń quramyna ótýde, budan buryn Keńeske saılanǵan jáne atalmysh laýazymda jumys isteý tájirıbesi bar, álemniń túkpir-túkpirine óz bitimgerlerin joldaý arqyly Keńestiń kúntártibinde turǵan máselelerdi sheshý úderisine edáýir úles qosyp júrgen, laıyqty qarsylastyń qatań básekelestigine tap boldyq. Elimizdiń resmı ótinimi boıynsha Azııa-Tynyq muhıty tobynan Qaýipsizdik Keńesine 2017-2018 jj. arnalǵan kezeńniń turaqty emes músheligine senimdi jeńispen saılaný Qazaqstannyń 2016 jylǵy syrtqy saıasattaǵy negizgi jetistigi bolyp tabylady. О́ıtkeni 1945 jyldan bergi BUU-nyń tarıhynda bul organǵa álemniń eń úlken qurlyǵynan 23 el ǵana saılanyp, sonda jumys istegen. Olardyń qatarynda Qytaı, Japonııa, Koreıa Respýblıkasy, Úndistan, Pákistan, Indonezııa, Malaızııa, Sıngapýr, Fılıppınder, Birikken Arab Ámirlikteri sııaqty qýatty memleketter bar. Endi Ortalyq Azııalyq aýqymdy óńiriniń ókili retinde, osy elderdiń qataryna Qazaqstan da qosylmaq. Bul jańa tabys, QR is júzinde búkil álemge syıly, BUU QK-niń úsh jetekshi komıtetin basqarý senip tapsyrylǵan bedeldi memleketke aınalǵanyn jáne ózara senimniń tómendeýi jaǵdaıynda jetekshi alpaýyt elderdiń arasynda baılanys kópirin ornata alatyn el ekendigin kórsetedi. Búkilálemdik Uıymnyń barlyq qatysýshylarynyń úshten ekisinen astam kópshiligi bizge daýys berdi. Osylaısha, Qazaqstannyń halyqaralyq týrbýlenttilik jaǵdaıyndaǵy «Jahandyq qaýipsizdik úshin birikken» degen urany álemniń kóptegen elderinde qoldaý tapty. BUU-nyń Jarǵysyna sáıkes, Qaýipsizdik Keńesi uıymnyń bas organdarynyń biri bolyp tabylady jáne onyń sheshimderi zańdyq mindetteýshi kúshke ıe. BUU-nyń jyldam jáne tıimdi is-áreket etýin qamtamasyz etý úshin múshe-memleketter QK-ne halyqaralyq beıbitshilikti jáne qaýipsizdikti saqtaý jónindegi basty jaýapkershilikti júktegen jáne Keńestiń óz mindetin atqarý barysynda múshe-memleketterdiń atynan is-áreket jasaıtyndyǵyna kelisken. Bir aıta keterligi, BUU Qaýipsizdik Keńesiniń 2017 jylǵy kúntizbesindegi alǵashqy kezdesý 3 qańtarda josparlanǵan, al Qazaqstan Respýblıkasynyń Keńestiń turaqty emes múshesi retinde ókilettigi Nıý-Iorkte paıdalanylatyn AQSh jáne Kanada ýaqytyna sáıkes jeksenbi kúni, 2017 jylǵy 1 qańtarda saǵat 00:00-de bastaldy.