Joǵary tehnologııaly ferma

Onda saǵatyna 150 sıyr saýylady Shyǵys Qazaqstan sút óndi­rýden elimizde jetekshi óńir sanalady. Oblystaǵy taýarly sút fermalaryn qurý jo­basy atalǵan saladaǵy ále­ýetti odan ári nyǵaıtýǵa baǵyt­talyp otyr. Sońǵy jyldary shemonaıhalyqtar da sút óndi­risin damytýǵa erekshe úles qosyp keledi. Aýdanda keıingi eki jylda 4 taýarly sút fermasy qaıta jóndeýden ótti. Asyl tuqymdy múıizdi iri qara sanyn arttyrýǵa basymdyq berildi. Shemonaıha aýdanynyń Ka­myshınka aýylynda jańa taýarly sút fermasy ashyldy. El Táýelsizdiginiń 25 jyldy­ǵy­na oraı iske qosylǵan zamanaýı ferma 620 bas saýyn sıyr ustaýǵa arnalǵan. «Parallel» júıesindegi saýyn zaly­nyń óndiristik qýaty saǵa­tyna 150-ge jýyq sıyrdy jedel saýý múmkindigine ıe. Al táýligine 1200 sıyr saýyla­dy. Keshen Germanııadan jet­ki­­zil­­­gen «GEA» joǵary teh­no­­lo­­­gııa­­ly quraldarymen jab­dyq­­­tal­­­ǵan. Barlyq jumys kompıý­­ter­­diń, tehnıkanyń jáne av­to­mat­tandyrylǵan júıe­niń kómegi­men júrgiziledi. «Kamy­shınskoe» sharýa qo­ja­lyǵy­nyń je­tekshisi Vladımır Akýlov­tyń aıtýynsha, fermaǵa jeke qarajat esebinen 181 mıllıon teńge jumsalǵan. Qurylys jumystary alty aıda aıaqtaldy. Kele­shekte osy ispetti 340 basqa ar­nalǵ­an taǵy bir jańa fermany paı­da­lanýǵa berý josparlanyp otyr. Jańa fermanyń ashylý sal­tana­tyna elimizdiń ár túkpi­ri­nen belgili agroónerkásip ókil­­­­deri keldi. Olardyń qata­ryn­da Qazaqstannyń Eńbek Eri, «Rodına» agrofırmasy» JShS dırek­tory Ivan Saýer de bar. Ivan Adamovıch Ka­my­­shınka tur­­ǵyn­darynyń er­teden eńbek­qor­ly­ǵymen erekshelenetinine, óndi­ris qarqynyn esh ýaqytta tómen­det­pegenine súısinetinin atap ótti. – Saýyn sıyrǵa barlyq jaǵ­daı jasalǵan zamanaýı keshen­niń ashylýy óńir ekonomıkasy úshin óte mańyzdy. Ázirge elimizde dál osy ispetti joǵary tehnologııaly fermany kezdestirgen joqpyn, – dedi ol. «Kamyshınskoe» sharýa­shy­lyǵynyń sút shıkizaty kúndelikti «Shyǵys-sút», «Emıl», «Istok» sııaqty óńirdegi iri sút óńdeýshi kásiporyndarǵa jóneltiledi. Qazirgi tańda sharýashylyq­ta 6023 bas múıizdi iri qara bolsa, onyń ishinde 2100 sa­ýyn sıyr bar. Byltyr­ 11 aıda 12700 tonna sút, 750 tonna et óndirgen. Sharýashylyq «Agrobıznes-2020» baǵdar­la­masy aıasynda ótken jyly 400 mıllıon teńgege jýyq sýbsıdııa aldy. Atap aıtqanda, birinshi sanatty sútke – 317 mıllıon teńge, et óndirgeni úshin – 44 mıllıon teńge, túrlendirý jumystary úshin 35 mıllıon teńge sýbsıdııa alyp otyr. Saǵatyna 4 tonna ónim shyǵarý qýatyna ıe quramajem zaýyty jumys isteıdi. Sondaı-aq, aýyl sharýashylyǵy baǵytyn­daǵy 18 myńnan astam gektardy quraıtyn alqapty ıgerip keledi. Egistik salasyndaǵy bıýdjettik sýbsıdııa túrindegi memlekettik qoldaý 52 mıllıon teńgege jetti. Sońǵy úsh jyldyń ishinde ǵana sharýashylyq mashına-traktor parkin jańǵyrtyp, eń ozyq óndirýshilerden 20 danadan astam aýylsharýashy­lyq tehnıkalaryn satyp aldy. Kamyshınka aýyly áleýmet­tik ınfraqurylymy men óndiristik damýy jaǵynan da, halyqtyń ál-aýqatyn jaqsartýda da bir­qa­tar jetistikterge jetti. Keıingi 5 jylda bilim berý, densaý­lyq saqtaý, sý qubyrlary men joldardy jóndeý, eldi mekendi kóriktendirý jumystaryna bıýdjetten 185 mıllıon teńgeden astam qarajat jumsaldy. Bul rette «Kamyshınskoe» sharýa qojalyǵy da áleýmettik nysan­dardy jóndeý jumystary men jańa qurylystarǵa qoldaý kór­setip, qarjylandyryp keledi. Bul kúni V.Akýlov «Ata­meken» Ulttyq kásipkerler pala­tasynyń atynan ekonomıka men kásipkerlikti damytýǵa sińirgen qyzmeti úshin II dárejeli «Adal eńbegi úshin» medalimen marapattaldy. Sondaı-aq, Shemonaıha aýdanynyń ákimi Amangeldi Toqtarov pen Shyǵys Qazaqstan oblysy máslıhatynyń hatshysy Vladımır Golovatıýk aýyl turǵyndaryn quttyqtap, tabys tiledi. Jıynǵa «Kamyshınskoe» sharýashylyǵynda uzaq jyl jumys istegen eńbek ardagerleri de qatysty. Máselen, Irına Agafonova 30 jyldan astam saýynshy bolsa, Nıkolaı Chere­panov 47 jyl ómirin osy sharýa­shylyqty órkendetýge arnaǵan eken. Olar jańa keshenniń tu­saýkeser lentasyn qıdy. Dýman ANASh, «Egemen Qazaqstan» Shyǵys Qazaqstan oblysy, Shemonaıha aýdany Sýretterdi túsirgen Ǵylymbek SÁBITOV